Tónlist

Björk með aukatónleika í Eldborg

Sunna Kristín Hilmarsdóttir skrifar
Björk á tónleikum í London í september.
Björk á tónleikum í London í september. Vísir/Getty
Uppselt er á tónleika Bjarkar Guðmundsdóttur á Iceland Airwaves-tónlistarhátíðinni en söngkonan kemur fram þann 5. nóvember í Eldborg. Forsala fyrir miðahafa á Airwaves hófst á síðastliðinn fimmtudag en samkvæmt færslu á Facebook-síðu Airwaves seldist hratt upp á tónleikana.

Því hefur aukatónleikum verið bætt við og verða þeir einnig í Eldborg þann 8. nóvember. Miðasala hefst á þriðjudagsmorgun klukkan 10 en miðahafar Airwaves munu geta keypt miða á tónleikana frá klukkan 8. 

Hver miðahafi á Airwaves gat keypt alls fjóra miða á tónleikana þann 5. nóvember í forsölu en ljóst er að eftirspurnin eftir því að sjá Björk á tónleikum er mikil. Skal kannski engan undra en hún átti að halda tónleika á Airwaves í fyrra en aflýsti þeim.

Nýlega hélt hún síðan tvenna tónleika í London við gríðarlega góðar undirtektir en líkt og á tónleikana í Eldborg seldist mjög fljótt upp á báða þá tónleika. 


Tengdar fréttir

Björk með tónleika á Iceland Airwaves

Björk Guðmundsdóttir mun halda tónleika á Iceland Airwaves í ár en tónleikarnir fara fram í Eldborgarsal Hörpu laugardaginn 5. nóvember klukkan 17.






Fleiri fréttir

Sjá meira


×