Bjóða aflamark í rækju

Aflamark í rækju í Arnarfirði og í Ísafjarðardjúpi gengur nú kaupum og sölum. Fiskistofa hefur auglýst eftir tilboðum í 2.500 kg af rækju í Arnarfirði og 917 kg af rækju í Ísafjarðardjúpi í skiptum fyrir aflamark í þorski, ýsu, ufsa og/eða steinbít. Veiðar hafa gengið vel í Ísafjarðardjúpi eftir að þær voru leyfðar aftur í vetur eftir langt hlé. Þá virðast rækjuveiðar vera að komast í gang í Arnarfirði eftir að hafa farið hægt af stað, en stofnvísitala rækju mældist þar undir meðaltali í mælingum Hafrannsóknastofnunar í október, lægri en hún mældist árið 2010.

asta@bb.is