Handbolti

Birna Berg markahæst í síðasta leik Molde

Anton Ingi Leifsson skrifar
Allir Íslendingarnir í Molde. Frá vinstri: Birna Berg Haraldsdóttir, Einar Jónsson, Arnór Ásgeirsson og Birnir Egilsson
Allir Íslendingarnir í Molde. Frá vinstri: Birna Berg Haraldsdóttir, Einar Jónsson, Arnór Ásgeirsson og Birnir Egilsson vísir/anton
Birna Berg Haraldsdóttir skoraði níu mörk og var valinn maður leiksins í síðasta leik Molde á tímabilinu í norsku B-deild kvenna í handknattleik. Molde sigraði þá Sola, en með sigrinum endar Molde í öðru sæti deildarinnar.

Molde komst í 12-9 í fyrri hálfleik og var 13-12 yfir í hálfleik, en leikurinn var í járnum allan tímann.

Að lokum vann Molde með minnsta mun, 28-27. Birna fór á kostum, en hún skoraði níu mörk eins og áður segir.

Molde hafði tryggt sér sæti í deild þeirra bestu, en Birna er á láni hjá félaginu. Óvíst er hvar hún spilar á næstu leiktíð. Molde endaði í öðru sætinu, en Einar Jónsson þjálfar liðið.




Fleiri fréttir

Sjá meira


×