Fótbolti

Birkir skoraði í fyrsta keppnisleik Basel á árinu 2016

Ingvi Þór Sæmundsson skrifar
Birkir og félagar eru með mikla yfirburði í Sviss.
Birkir og félagar eru með mikla yfirburði í Sviss. vísir/epa
Birkir Bjarnason skoraði fyrsta mark Basel í 3-0 sigri á Luzern í svissnesku úrvalsdeildinni í fótbolta í dag. Þetta var fyrsti keppnisleikur Birkis og félaga á árinu 2016.

Íslenski landsliðsmaðurinnn hefur nú gert fjögur mörk í deildinni á tímabilinu og sjö alls.

Birkir kom Basel yfir á 50. mínútu og þeir Matías Delgado og Renato Steffen bættu svo við mörkum áður en yfir lauk.

Basel er með gríðarlega yfirburði í svissnesku deildinni en liðið er með 12 stiga forystu á Grasshoppers þegar 19 umferðum er lokið.




Fleiri fréttir

Sjá meira


×