MÁNUDAGUR 5. DESEMBER NÝJAST 08:19

Martin leikmađur umferđarinnar

SPORT

Birgitta óttast ađ fylgiđ ţurrkist út og reynir ađ berja í brestina

 
Innlent
11:44 28. FEBRÚAR 2016
Birgitta ritađi hvatninguna á vefsvćđi Pírata.
Birgitta ritađi hvatninguna á vefsvćđi Pírata. VÍSIR/DANÍEL

„Höfum hugfast að í hvert skipti sem við beinum gremju eða andúð gagnvart hvert öðru þá erum við að skemmta skrattanum og sá stuðningur sem við höfum fengið mun hverfa eins og dögg fyrir sólu.“

Þetta segir þingmaðurinn Birgitta Jónsdóttir í færslu til Pírata en meintur samskiptavandi innan flokksins hefur verið fyrirferðamikill að undanförnu.

Sjá einnig: Birgitta biðst afsökunar á sínum hlut í deilum innan Pírata

Vísir greindi til að mynda frá því í gær þegar Birgitta sakaði kafteininn Helga Hrafn Gunnarsson um að fara með „stórkostlega mikla rangfærslu“ í tengslum við hugmyndir Pírata um stutt kjörtímabil. Þá viðurkenndi hún einnig að hafa beðið Helga sérstaklega um að fara ekki í viðtöl um ágreiningsmál innan flokksins.

Sjá einnig: Birgitta sakar kafteininn um stórkostlega mikla rangfærslu


Af viđbrögđum ađ dćma hefur fćrsla Birgittu falliđ í kramiđ hjá Pírötum.
Af viđbrögđum ađ dćma hefur fćrsla Birgittu falliđ í kramiđ hjá Pírötum.

Ljóst er að með þessari færslu vill Birgitta reyna að berja í brestina af ótta við að fylgi Pírata kunni annars að minnka.

Þeim áhyggjum deila mörg flokkssystkin hennar sem ítrekað hafa kallað eftir því, á Pírataspjallinu og við færslur þingmanna flokksins á Facebook, að þeir finni lausn á vandanum.
Færsla Birgittu er beint innlegg í þá umræðu en í færslunni skrifar hún að sama skapi:

„Samfélagið okkar er í molum, verjum frekar tíma okkar í að leita raunverulegra lausna fyrir samfélagið í heild. Þjóðin okkar er orðin örmagna vegna þeirra sundrungar sem hér er alltaf alið á og er þekkt leið til að klekkja á samtakamætti þjóðar.“

Sjá einnig: Helgi Hrafn segir að þurfi að leysa samskiptavanda innan Pírata
Þetta er ekki í fyrsta skipti sem þingmenn Pírata reyna að vinna bug á pirringnum innan flokksins. bæði Birgitta og Helgi Hrafn talið sig nauðbeygð til að ávarpa hann síðustu daga. Þannig sendi Birgitta opið bréf til Pírata þar sem hún baðst opinberlega afsökunar á sínum hlut í innanflokksdeilunum.

Helgi Hrafn tjáði sig að sama skapi um málið og sagði að finna þyrfti leið til að „takast á við samskiptavanda af þessum toga,“ eins og hann orðaði það


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Birgitta óttast ađ fylgiđ ţurrkist út og reynir ađ berja í brestina
Fara efst