LAUGARDAGUR 27. DESEMBER NÝJAST 13:31

Hitastig á Norđurskautinu hćkkar tvöfalt hrađar en annars stađar

FRÉTTIR

Birgitta fjarlćgđi bloggfćrslu: Finnst athyglin viđbrigđi

Innlent
17:49 31. JÚLÍ 2009
Birgitta Jónsdóttir, ţingmađur Borgarahreyfingarinnar.
Birgitta Jónsdóttir, ţingmađur Borgarahreyfingarinnar. MYND/GVA
Hafsteinn Gunnar Hauksson skrifar

"Ég tók hana út því ég ætlaði aðeins að skoða þetta betur. Maður vill alls ekki vera að hvetja til þess að fólk sé að fá flensuna," segir Birgitta Jónsdóttir, þingmaður Borgarahreyfingarinnar í samtali við fréttastofu.

Hún skrifaði færslu á heimasíðu sína í dag þar sem hún velti fyrir sér kostum þess að smitast af svínaflensunni nú, áður en hún stökkbreytist. Birgitta segist afar áhugasöm um upphlaupið sem orðið hefur vegna flensunnar.

Færsluna fjarlægði hún skömmu síðar, að eigin sögn til að skoða málið betur. Birgitta segist munu birta hana aftur að betur íhuguðu máli.

„Þetta er enginn feluleikur eða neitt svoleiðis, ég vildi bara vinna betur í þessu," segir Birgitta, sem segist ekki hafa fengið skammarpóst eða reiðisímtal frá Landlækni eða neitt slíkt.

Hún segist ekki vilja hvetja neinn til að fá flensuna, en finnist þetta hins vegar áhugaverð pæling. Hún hafi viljað fá með- og mótrök í málinu.

„Mér finnst til dæmis mjög sniðugt hjá foreldrum að láta börn fá hlaupabólu áður en þau kunna að klóra sér," segir Birgitta.

Hún segir athyglina sem bloggi hennar er sýnd mikil viðbrigði frá því sem var áður en hún varð þingkona.

„Maður veigrar sér stundum við að setja inn færslur, því maður fær svo mikil viðbrögð. Hérna áður fyrr gat maður sett inn færslur og enginn pældi í því."

Hún segist hins vegar ánægð með að halda úti bæði bloggi og að vera með Feisbúkksíðu, því það auðveldi henni að vera í sambandi við almenning í landinu og forði henni frá því að einangrast í þinghúsinu.

VIÐBÓT 17:58 - Færslan hefur nú verið endurbirt á bloggi Birgittu, en hana má nálgast hér.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Birgitta fjarlćgđi bloggfćrslu: Finnst athyglin viđbrigđi
Fara efst