Golf

Birgi Leif og Ólafíu Þórunni spáð titlinum á Jaðarsvelli

Tómas Þór Þórðarson skrifar
Ólafía Þórunn og Birgir Leifur með Íslandsmeistarabikarana 2016.
Ólafía Þórunn og Birgir Leifur með Íslandsmeistarabikarana 2016. vísir/daníel
Atvinnukylfingarnir Birgir Leifur Hafþórsson, GKG, og Ólafía Þórunn Kristinsdóttir, GR, verða Íslandsmeistarar í höggleik 2016 ef spá sérfræðinga Golfsambands Íslands gengur upp.

Íslandsmótið hefst á morgun en að þessu sinni fer það fram á Jaðarsvelli á Akranesi. Allir bestu kylfingar þjóðarinnar verða með eins og þau Birgir Leifur og Ólafía sem fögnuðu síðast sigri á Leirdalsvelli fyrir tveimur árum.

Birgir Leifur fékk 98 stig í kosningu sérfræðinganna og vann yfirburðarsigur í henni. Gísla Sveinbergssyni úr GK er spáð öðru sæti og Axel Bóassyni þriðja sætinu.

Ólafía Þórunn fékk 107 stig hjá konunum en rætist spáin verður Guðrún Brá Björgvinsdóttir í öðru sæti og Valdís Þóra Jónsdóttir í þriðja sæti.

Spáin fyrir Íslandsmótið 2016:

Karlaflokkur:

1. Birgir Leifur Hafþórsson, GKG (98)

2. Gísli Sveinbergsson, GK (69)

3. Axel Bóasson, GK (50)

4. Andri Þór Björnsson, GR (41)

5. Þórður Rafn Gissurarson, GR (35)

Kvennaflokkur:

1. Ólafía Þórunn Kristinsdóttir, GR (107)

2. Guðrún Brá Björgvinsdóttir, GK (87)

3. Valdís Þóra Jónsdóttir, GL (67)

4. Signý Arnórsdóttir, GK, (47)

5. Sunna Víðisdóttir, GR (18)




Fleiri fréttir

Sjá meira


×