Síður undir "ithrottir"
Bild: Þjálfari Hoffenheim verður rekinn og Babbel tekur við
Stanislawski á leiknum í gær.
Nordic Photos / Getty Images
Holger Stanislawski er þjálfari liðsins en liðið hefur unnið aðeins einn leik í síðustu tíu í deildinni. Stanislawski hefur verið mikið gagnrýndur í þýskum fjölmiðlum og eigandi félagsins, Dietmar Hopp, er líka farinn að efast um að hann sé rétti maðurinn fyrir starfið.
Hopp hefur furðað sig á því að Stanislawski hafi leyft Gylfa Þór Sigurðssyni að fara frá félaginu á láni til Swansea í Englandi. Þar hefur Gylfi slegið í gegn og er nú orðaður við önnur lið, til að mynda Hamburg fyrir um milljarð króna.
Þýska dagblaðið Bild segir að flest bendi til þess að Stanislawski verði látinn fara nú í vikunni og að Markus Babbel, fyrrum landsliðsmaður og leikmaður Liverpool, muni taka við liðinu.
Stanislawski virðist þó vinsæll hjá bæði leikmönnum og stuðningsmönnum Hoffeneheim. Stuðningsmenn sungu honum til heiðurs á leiknum í gær, þrátt fyrir tapið.
Stanislawski hefur gagnrýnt Gylfa og segir að hann hafi ekki lengur áhuga á að spila með Hoffenheim.
- Fréttir
- Sport
- Viðskipti
- Lífið
Nýjast á Vísi
Fréttir eftir mánuði
Hér má finna fréttir eftir mánuði.
Þú ert hér: Forsíða / Sport / Fótbolti / Þýski boltinn / Bild: Þjálfari Hoffenheim verður rekinn og Babbel tekur við
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000