Bílbruni á Arnarnesvegi

Bíll varð alelda við Salahverfið á áttunda tímanum í kvöld. Samkvæmt upplýsingum frá slökkviliðinu á höfuðborgarsvæðinu gekk vel að slökkva eldinn en slökkviliðið er enn að störfum á vettvangi. Bíllinn er staðsettur í vegarkanti.

Enginn slasaðist í brunanum og bílstjórinn náði að komast út úr bílnum áður en hann varð alelda. Ekki fengust upplýsingar um það hvort fleiri hefðu verið í bílnum þegar eldurinn kom upp. Samkvæmt upplýsingum frá slökkviliðinu á höfuðborgarsvæðinu eru eldsupptök ókunn.