Matur

Bestu súkkulaðibollakökurnar með hvítu smjörkremi

eva laufey kjaran skrifar
Vísir/Stöð 2

Eva Laufey bakaði dásamlegar bollakökur í tilefni af árs­afmæli dóttur sinnar.

Kökurnar slógu í gegn eins og aðrar veitingar í veislunni.

Hér gefur hún okkur þessa bragðgóðu uppskrift.

Bestu súkkulaðibollakökurnar með hvítu smjörkremi

um það bil 30 bollakökur

3 bollar Kornax hveiti (amerísk mæling, 1 bolli = 2,4 dl)

2 bollar sykur

3 brúnegg

2 bollar AB mjólk

1 bolli bragðdauf olía

5 msk. kakó

2 tsk. lyftiduft

1 tsk. matarsódi

2 tsk. vanilludropar eða sykur



Aðferð
:

Blandið öllum hráefnum saman í skál, hrærið í nokkrar mínútur eða þar til deigið verður slétt og fínt. Skiptið deigblöndunni niður í bollakökuform og bakið við 180°C í 15-18 mínútur.

Það er mikilvægt að leyfa kökunum að kólna alveg áður en þær eru skreyttar með kreminu góða.

Hvítt súkkulaðismjörkrem

300 g smjör við stofuhita

500 g flórsykur

2 tsk. vanilludropar

150 g hvítt súkkulaði

2-3 msk. rjómi eða mjólk

Aðferð:

1. Þeytið saman flórsykur og smjör þar til það verður létt og ljóst (tekur nokkrar mínútur)

2. Á meðan bræðið þið hvítt súkkulaði yfir vatnsbaði.

3. Hellið súkkulaðinu út í og bætið einnig vanillu og rjóma saman við, hrærið mjög vel í nokkrar mínútur.

4. Setjið kremið í sprautupoka og sprautið á kökurnar.

Það er í góðu lagi að frysta þessar kökur, það skemmir ekki bragðið! Skreytið þær að vild með öllu sem hugurinn girnist. Bollakökur slá alltaf í gegn, þær eru eins góðar og þær eru fallegar.


Tengdar fréttir

Matargerð sem gleður bæði líkama og sál

Í lokaþætti Sælkeraheimsreisu Völu Matt í Reykjavík heimsótti hún arkitektinn Ali sem kynnti henni fyrir persneskri matargerð sem er bæði litrík og bragðmikil.

Brakandi ferskt humarsalat

Grillaður humar með hvítlaukssósu á fersku salatbeði og grillaður ananas í eftirrétt með freyðandi piña colada-kokteil

Beikon- og piparostafylltur hamborgari

Það er fátt betra en heimagerður hamborgari með öllu því sem hugurinn girnist. Þegar sólin skín er upplagt að dusta rykið af grillinu og grilla ljúffengan mat sem kemur okkur öllum í sumarskap. Þessi beikon- og piparostafyllti hamborgari er algjörlega ómótstæðilegur, ég segi það og skrifa.

Besta súkkulaðikakan með Nutella smjörkremi

Nostalgían réð ríkjum í þætti mínum í kvöld á Stöð 2 og útbjó ég meðal annars þessa ljúffengu súkkulaðiköku með Nutella smjörkremi sem fær hjörtu til að slá örlítið hraðar.

Hollari kleinuhringir að hætti Evu

Sjónvarpskokkurinn Eva Laufey gefur lesendum Lífsins uppskrift að kleinuhringjum með glassúr sem eru hátíð fyrir bragðlaukana.






Fleiri fréttir

Sjá meira


×