Harmageddon

Berum enga ábyrgð á Næs í rassinn

Anna Tara skrifar
Hljómsveitin Hljómsveitt.
Hljómsveitin Hljómsveitt. Mynd/Kristín Pétursdóttir
Hljómsveitin Hljómsveitt hefur gefið frá sér nýtt lag sem heitir Næs í rassinn og er myndband væntanlegt 9. október.

Hljómsveitt samanstendur af systrunum Katrínu Helgu og Önnu Töru Andrésdætrum. Sumir kannast mögulega við umfjöllunarefni lagsins eftir að Anna Tara benti eftirminnilega á hvað endaþarmsmök geta verið djúp í viðtali í útvarpsþættinum Harmageddon í vetur.

Fyrst þegar þær systur sömdu lagið og textann lokaði Katrín öllum gluggum af ótta við viðbrögð nágranna sinna. Síðan þá hafa nokkur þúsund manns heyrt lagið.

Þær eiga líka foreldra. Það sem veitti þeim innblástur var gífurlegt magn persónulegrar reynslu. Hins vegar urðu þær varar við að margir þeirra sem höfðu uppgötvað unað endaþarmsins þjáðust af mikilli skömm. Þjáning annarra olli þeim miklu hugarangri. Þeim varð skyndilega ljóst að velferð annarra væri á þeirra ábyrgð og að heimurinn kæmi þeim við.

Þær fullyrða að þetta lag komi frá æðri mætti og að þær séu einungis hlutlausir sendiboðar. Þær höfðu því ekkert val og taka enga ábyrgð á þessu lagi.


Tengdar fréttir








×