MÁNUDAGUR 27. MARS NÝJAST 11:30

Draumur rćttist hjá John Arne Riise á Anfield um helgina

SPORT

Berger: Vettel vanmat áhrif Michael Schumacher á Ferrari

 
Formúla 1
20:30 04. FEBRÚAR 2017
Sebastian Vettel međ skeifu.
Sebastian Vettel međ skeifu. VÍSIR/GETTY
Kristinn Ásgeir Gylfason skrifar

Gerhard Berger, fyrrum ökumaður og liðsstjóri í Formúlu 1 telur að Sebastian Vettel hafi vanmetið vandamál Ferrari og áhrifin sem Michael Schumacher hafði á liðið.

Fjórfaldi heimsmeistarinn kom til Ferrari fyrir tímabilið 2015. Hann hafði þá unnið fjóra heimsmeistaratitla á sex tímabilum með Red Bull liðinu. Honum var ætlað mikilvægt hlutverk í endurreisn Ferrari liðsins, liðið hafði ekki unnið titil í sjö ár.

Vettel byrjaði vel, vann þrjár keppnir á fyrsta tímabilinu en þurfti svo að sætta sig við að vinna ekki keppni í fyrra. Þar fyrir utan missti Ferrari Red Bull fram úr sér í heimsmeistarakeppni bílasmiða.

Margt er sambærilegt með komu Vettel til Ferrari og var með komu Michael Schumacher til liðsins árið 1996. Schumacher hafði þá unnið tvo heimsmeistaratitla með Benetton liðinu. Schumacher gaf sig allan í að snúa gæfu ítalska stórveldisins við og tókst það heldur betur. Hann vann fimm heimsmeistaratitla í röð með Ferrari, en það tók tíma. Titlarnir komu ekki fyrr en á árunum 2000-2004. Ef Vettel ætlar að snúa Ferrari við á sama hraða þarf hann að skila sínum fyrsta titli fyrir liðið árið 2019.

Berger ók fyrir Ferrari á sínum tíma en hann telur að Vettel hafi vanmetið vandan sem blasir við Ferrari. Eins telur Berger að Vettel hafi vanmetið hver hrein áhrif Schumacher voru á liðið.

„Hann vanmat hvað Michael gerði á sínum tíma. Michael fór til Ferrari með mikið af lykilfólki frá Benetton,“ sagði Berger í samtali við Auto Motor und Sport.

„Þegar Sebastian kom til Ferrari var það í sama ástandi og það er í í dag. Hann hefði einungis átt að koma til Ferrari með rassvasann fullan af lykilfólki frá Red Bull,“ bætti Berger við.

„Á einhvern hátt er Ferrari komið í sömu stöðu núna og það var árið 1995, þegar ég ók fyrir liðið,“ sagði Berger að lokum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Formúla 1 / Berger: Vettel vanmat áhrif Michael Schumacher á Ferrari
Fara efst