Rifjaði upp eitt frægasta augnablik íþróttasögunnar Kolbeinn Tumi Daðason skrifar 20. ágúst 2015 11:39 Uppákoman í Boston-maraþoninu árið 1967 Vísir/Getty Kathrine Switzer var fyrsta konan til að ská sig í Boston maraþonið. Það gerði hún árið 1967 þrátt fyrir að konum væri ekki heimilt að taka þátt. Stjórnandi hlaupsins reyndi að fjarlægja hana með handafli úr hlaupinu. Sami maður tók síðan þátt í að leyfa þátttöku kvenna árið 1972. Kathrine er stödd hér á landi sem gestur Íslandsbanka í tengslum við Reykjavíkurmaraþonið sem fram fer á laugardaginn. Hún sagði sögu sína á fundi Íslandsbanka í Hörpu í dag. Fundurinn var í beinni útsendingu á Vísi. Kathrine vann í 10 ár í samstarfi við snyrtivörumerkið Avon að því að skipuleggja hlaup fyrir konur. Ein milljón kvenna tók þátt í hlaupum á þeirra vegum en hlaupin voru samtals 400 í 27 löndum. Hún hefur skrifað fjórar bækur og starfað við að efla konur í íþróttum.Kathrine Switzer.Vísir/GVAEin frægasta fréttamynd sögunnar Ræða hlaupakonunnar hófst á myndbandsinnslagi þar sem Kathrine reifaði sögu sína og það mótlæti sem hún mætti þegar hún hugðist skrá sig í Boston maraþonið. Þannig reyndi skipuleggjandi hlaupsins til að mynda að stöðva hana og náðist augnablikið á filmu. Úr því varð ein frægasta fréttamynd sögunnar, sem sjá má hér að ofan. Kærasti Kathrine og þjálfari hennar rifu skipuleggjandann af henni svo að henni gafst færi á að klára hlaupið á fjórum klukkustundum og tuttugu mínútum. Þegar hún sá alla fjölmiðlaumfjöllunina eftir hlaupið áttaði sig hún strax á því að hún hefði lagt sitt á vogarskálarnar í jafnréttisbaráttunni og breytt viðhorfi fólks til kvenna í íþróttum. Upphafið að ævintýrinu sínu rak hún til þess þegar þau faðir hennar sátu saman við kvöldverðarborðið og Kathrine lýsti efasemdum sínum um að komast í íþróttalið skólans síns. Þá hafi faðir hennar hvatt hana til að hlaupa kílómetra á dag. „Kílómetra á dag? Vá, það er eins og að ganga á Kilimanjaro!“ sagði Kathrine og uppskar hlátrarsköll fyrir vikið. Gestir voru ánægðir með ræðu Switzer.Vísir/GVAHleypur enn Þrátt fyrir að vera langt komin á sjötugsaldur segist Kathrine enn hlaupa og segir það töfrum líkast. Hvert hlaup sé sem lítill sigur í átt að stóru markmiði og þannig hafi henni liðið allt frá því að hún hóf undirbúning fyrir Boston maraþonið 1967. Í tölu sinni sagði Kathrine frá því hvernig henni leið í hlaupinu þegar hana langaði einna helst að gefast upp. Hún segist hafa fundið fyrir óstjórnlegri hvöt til að klára hlaupið, ekki síst fyrir kynsystur sínar sem margir efuðust um að gætu þreytt slíka þrekraun. Einnig óttaðist hún að á hana yrði litið sem trúð ef henni tækist ekki að klára og að henni hafi ekki verið alvara með að skrá sig til leiks.Frá vinstri: Sweitzer, Birna Einarsdóttir, Halldóra Geirharðsdóttir og Steiney Skúladóttir.Vísir/GVAHæfileikar eru alls staðar Þá eru ótaldar þær læknisfræðilegu ástæður sem haldið var á lofti á þeim tíma sem mæltu gegn því að konur legðu í langhlaup. Til að mynda að það myndi hafa skaðleg áhrif á fætur þeirra, að þeim myndi vaxa skegg og að leg þeirra myndu detta úr. Meginstef Kathrine í ræðu sinni sagði hún væri þá trú sína að hæfileikar séu alls staðar. Þeir fyrirfinndust í öllum og þá ekki síst börnum. Hæfileikar þyrftu hins vegar að fá tækifærið til að blómstra og að því þyrfti að huga svo allir fengju að njóta sín. Að ræðu sinni lokinni hlaut Kathrine standandi lófatak og við tóku umræður sem stýrt var af Birni Berg Gunnarssyni, fræðslustjóra VÍB, og Birna Einarsdóttir, bankastjóri Íslandsbanka, fékk sér sæti með þeim á sviðinu. Að neðan má sjá viðtal við Kathrine frá því í gær. Von er á upptöku frá fundinum í Hörpu innan tíðar. Viðtal við Kathrine Switzer from Íslandsbanki on Vimeo. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira
Kathrine Switzer var fyrsta konan til að ská sig í Boston maraþonið. Það gerði hún árið 1967 þrátt fyrir að konum væri ekki heimilt að taka þátt. Stjórnandi hlaupsins reyndi að fjarlægja hana með handafli úr hlaupinu. Sami maður tók síðan þátt í að leyfa þátttöku kvenna árið 1972. Kathrine er stödd hér á landi sem gestur Íslandsbanka í tengslum við Reykjavíkurmaraþonið sem fram fer á laugardaginn. Hún sagði sögu sína á fundi Íslandsbanka í Hörpu í dag. Fundurinn var í beinni útsendingu á Vísi. Kathrine vann í 10 ár í samstarfi við snyrtivörumerkið Avon að því að skipuleggja hlaup fyrir konur. Ein milljón kvenna tók þátt í hlaupum á þeirra vegum en hlaupin voru samtals 400 í 27 löndum. Hún hefur skrifað fjórar bækur og starfað við að efla konur í íþróttum.Kathrine Switzer.Vísir/GVAEin frægasta fréttamynd sögunnar Ræða hlaupakonunnar hófst á myndbandsinnslagi þar sem Kathrine reifaði sögu sína og það mótlæti sem hún mætti þegar hún hugðist skrá sig í Boston maraþonið. Þannig reyndi skipuleggjandi hlaupsins til að mynda að stöðva hana og náðist augnablikið á filmu. Úr því varð ein frægasta fréttamynd sögunnar, sem sjá má hér að ofan. Kærasti Kathrine og þjálfari hennar rifu skipuleggjandann af henni svo að henni gafst færi á að klára hlaupið á fjórum klukkustundum og tuttugu mínútum. Þegar hún sá alla fjölmiðlaumfjöllunina eftir hlaupið áttaði sig hún strax á því að hún hefði lagt sitt á vogarskálarnar í jafnréttisbaráttunni og breytt viðhorfi fólks til kvenna í íþróttum. Upphafið að ævintýrinu sínu rak hún til þess þegar þau faðir hennar sátu saman við kvöldverðarborðið og Kathrine lýsti efasemdum sínum um að komast í íþróttalið skólans síns. Þá hafi faðir hennar hvatt hana til að hlaupa kílómetra á dag. „Kílómetra á dag? Vá, það er eins og að ganga á Kilimanjaro!“ sagði Kathrine og uppskar hlátrarsköll fyrir vikið. Gestir voru ánægðir með ræðu Switzer.Vísir/GVAHleypur enn Þrátt fyrir að vera langt komin á sjötugsaldur segist Kathrine enn hlaupa og segir það töfrum líkast. Hvert hlaup sé sem lítill sigur í átt að stóru markmiði og þannig hafi henni liðið allt frá því að hún hóf undirbúning fyrir Boston maraþonið 1967. Í tölu sinni sagði Kathrine frá því hvernig henni leið í hlaupinu þegar hana langaði einna helst að gefast upp. Hún segist hafa fundið fyrir óstjórnlegri hvöt til að klára hlaupið, ekki síst fyrir kynsystur sínar sem margir efuðust um að gætu þreytt slíka þrekraun. Einnig óttaðist hún að á hana yrði litið sem trúð ef henni tækist ekki að klára og að henni hafi ekki verið alvara með að skrá sig til leiks.Frá vinstri: Sweitzer, Birna Einarsdóttir, Halldóra Geirharðsdóttir og Steiney Skúladóttir.Vísir/GVAHæfileikar eru alls staðar Þá eru ótaldar þær læknisfræðilegu ástæður sem haldið var á lofti á þeim tíma sem mæltu gegn því að konur legðu í langhlaup. Til að mynda að það myndi hafa skaðleg áhrif á fætur þeirra, að þeim myndi vaxa skegg og að leg þeirra myndu detta úr. Meginstef Kathrine í ræðu sinni sagði hún væri þá trú sína að hæfileikar séu alls staðar. Þeir fyrirfinndust í öllum og þá ekki síst börnum. Hæfileikar þyrftu hins vegar að fá tækifærið til að blómstra og að því þyrfti að huga svo allir fengju að njóta sín. Að ræðu sinni lokinni hlaut Kathrine standandi lófatak og við tóku umræður sem stýrt var af Birni Berg Gunnarssyni, fræðslustjóra VÍB, og Birna Einarsdóttir, bankastjóri Íslandsbanka, fékk sér sæti með þeim á sviðinu. Að neðan má sjá viðtal við Kathrine frá því í gær. Von er á upptöku frá fundinum í Hörpu innan tíðar. Viðtal við Kathrine Switzer from Íslandsbanki on Vimeo.
Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira