Fótbolti

Bayern þýskur meistari í 25. sinn

Tómas Þór Þórðarson skrifar
vísir/getty
Bayern München varð þýskur meistari í dag í 25. sinn í sögu félagsins.

Bayern vann Herthu Berlín, 1-0, í gær og því þurfti Wolfsburg að vinna Borussia Mönchengladbach í dag til að eiga áfram tölfræðilega möguleika á titlinum.

Max Kruse tryggði Gladbach sigurinn með marki í uppbótartímar, en það var bara til að strá salti í sárin fyrir Wolfsburg sem mátti ekki einu sinni við jafntefli.

Bayern á enn möguleika á að vinna þrennuna, en liðið er komið í undanúrslit þýska bikarsins og Meistaradeildarinnar.

Þetta er annar titill Pep Guardiola með Bayern og fimmti landstitill Spánverjans á síðustu sex árum.




Fleiri fréttir

Sjá meira


×