Báru veikan göngumann einn og hálfan kílómetra

Björgunarsveitarmenn á vegum Landsbjargar voru kallaðir út í dag til að sækja mann sem veiktist þegar hann var á göngu á Miðfelli við Flúðir.

Sjúkraflutningamenn frá Selfossi voru einnig sendir á vettvang og báru þeir manninn um einn og hálfan kílómetra á börum, meðal annars yfir gil þannig að tryggja þurfti börurnar með línum.

Manninum var komið i sjúkrabíl sem beið hans og hefur verið fluttur á sjúkrastofnun, eins og það er orðað í tilkynningu frá Landsbjörgu.