Barsmíðar ekki verstu pyntingarnar Una Sighvatsdóttir skrifar 26. nóvember 2015 19:45 Bashar Farahat er 31 árs gamall, læknir að mennt og starfaði sem slíkur á háskólasjúkrahúsinu í Aleppo í Sýrlandi. En hann var líka andsnúinn stjórnvöldum og tók þátt í friðsælum mótmælum við upphaf átakanna í Sýrlandi, sem síðar urðu blóðugt borgarastríð. Bashar var í kjölfarið handtekinn tvisvar, árin 2012 og 2013, og sat í fangelsi samtals í ellefu mánuði þar sem hann sætti pyntingum og illri meðferð. Bashar lýsti reynslu sinni og annarra sýrlenskra fanga með áhrifamiklum hætti á fundi í Norræna húsinu í dag en hann er gestur Amnesty International á Íslandi í tilefni af hinnu árlega Bréfamaraþoni, átaki Amnesty til að setja þrýsting á stjórnvöld víða um heim um að sleppa samviskuföngum lausum úr haldi. Auk mótmælanna var Bashar meðal annars sakaður um að gera opinskátt um fjölda óbreyttra borgara sem féllu í valinn af völdum stjórnarhers Bashar Al Assads Sýrlandsforseta, og fyrir að hlúa að mótmælendum á bráðabirgðaspítala. Í máli hans í dag kom fram að barsmíðar hófust strax við komuna í fangelsið, þar sem hann var með bundið fyrir augu meðan hópur fangavarða gekk í skrokk á honum. Frá sjúkrahúsi í Aleppo. Bashar starfaði þar sem læknir þegar hann var fyrst handtekinn 2012. Hugmyndir hans um pyntingar breyttust „Áður en ég var handtekinn hafði ég heyrt og lesið heilmikið um pyntingar og sá þær fyrir mér eins og við þekkjum úr bíómyndum, að menn séu hengdir upp, barðir og gefið raflost," sagði Bashar í samtali við fréttastofu í dag. Það gekk raunar eftir, en Bashar segir þó að hugmyndir hans um pyntingar hafi breyst mjög við frelsissviptinguna. Barsmíðar við yfirheyrslur hafi í raun alls ekki verið verstu pyntingarnar. „Ég komst að því að hvert einasta smáatriði í fangelsi er einskonar pynting. Það að búa með hundrað karlmönnum í pínulitlum klefa, það er pynting. Að fá aldrei almennilega að borða eða drekka, að geta ekki andað, það er allt samfelld pynting. Svo þetta sýst ekki bara um yfirheyrsluna, refsingarnar, að vera laminn eða hengdur upp. Allt við fangavistina var pynting.“ Bashar sagði að í huga fanganna hafi í raun verið betra að vera pyntaður en að vera afskiptur. Versta tilfinningin hafi verið ótti um að vera týndur heiminum og daga uppi í fangaklefa öllum gleymdur. Pyntingar og yfirheyrslur hafi hið minnsta gefið til kynna að mál fanga væri á borði einhverra yfirvalda. Bardagamenn úr liði stjórnarandstæðinga í Aleppo reyna að bjarga föllnum félaga sem varð fyrir skoti leyniskyttu stjórnarhersins. Tugþúsundum haldið föngnum Segja má að Bashar sé einn af hinum heppnu, því hann var handtekinn í tvígang en í bæði skiptin sleppt lausum. Þótt hann slyppi á lífi var honum þó tæpast líft í Sýrlandi, enda var honum meinað að starfa áfram sem læknir og vinir hans og kollegar vildu ekki sjást með honum opinberlega af ótta við handtöku. Á endanum flýði hann land, fyrst til Líbanon en í vor fékk hann dvalarleyfi af mannúðarástæðum í Bretlandi þar sem hann býr nú. Mannréttindasamtökin Syrian Network for Human Rights áætla hinsvegar að yfir 65 þúsund manns sem horfið hafa sporlaust í Sýrlandi frá 2011 séu í haldi stjórnvalda. Meirihluti þeirra teljast almennir borgarar, eða 58.148, en vitað er til þess að 6.968 af þeim sem eru í haldi hafi barist með uppreisnarmönnum gegn stjórnarhernum. Bashar segir að ógnin hafi verið allt um lykjandi frá því fyrir upphaf stríðsins. „Hver sem er getur átt von á því að vera handtekinn í Sýrlandi, en meirihluti þeirra sem er haldið eru almennir borgarar, stjórnarandstæðingar, friðsamir mótmælendur eða jafnvel ættingjar mótmælenda. Það versta sem kom fyrir Sýrland var að ráðist hafi verið gegn friðsömum mótmælendum og ástandið þróast yfir í stríð." Bashar Al Assad forseti Sýrlands neitar að fara frá völdum. Isis og flóttamannastraumurinn ekki kjarni vandans Aðspurður um ástandið í Sýrlandi nú segist Bashar telja að mestu mistök Vesturlanda sé að einblína á afleiðingar stríðsins, þ.e. flóttamannastrauminn og uppgang Isis, en sjá ekki heildarmyndina. Það þurfi margþætta lausn. Þar sem frumorsökin sé ofríki Assads sé málið ekki leyst með því að varpa sprengjum á Isis. „Sýrlendingar vildu fá þessa stjórn frá, þeir vildu breytingar og þeir eiga það skilið. Lausnin í Sýrlandi felst í því að vita hvað Sýrlendingar vilja og að taka á málinu heildsætt, ekki bara á hliðarverkununum. Það þarf að ná samkomulagi um að enda þetta stríð. Sýrlendingar eru reiðubúnir að snúa til baka og byggja upp landið sitt, en stríðið kemur í veg fyrir það. Stríðið stendur í milli okkar og vonarinnar." Rania Alabassi starfaði sem tannlæknir í Damaskus þegar hún var handtekin af stjórnvöldum í fyrra. Börn hennar sex, þau Dima, Entisar, Najah, Alaa, Ahmad og Layan voru einnig tekin höndum og ekkert spurst til þeirra síðan. Amnesty International setur nú þrýsting á Assad Sýrlandsforseta að láta þau laus. Reyna að fá sex barna móður leysta úr haldi Sem fyrr segir stendur Amnesty Internatonal nú fyrir svo kölluðu Bréfamaraþoni, þar sem almenningi er gert kleift með auðveldum hætti að senda póstkort til stjórnvalda sem brjóta mannréttindi og þrýsta á umbætur. Meðal þeirra sem Amnesty beinir sjónum að í ár er mál sýrlenskrar konu, Rania Alabassi, sem var tannlæknir í Damaskus. Hún og börn hennar sex voru öll handtekin af stjórnvöldum árið 2013 og hefur ekkert spurst til þeirra síðan. Nánari upplýsingar um hvernig hægt er að leggja málstaðnum lið má finna á vef Amnesty á Íslandi. Mest lesið Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Bandaríkin stöðvuðu fulla aðild Palestínumanna að SÞ Erlent Katrín á toppnum um allt land Innlent Kennedy-fjölskyldan lýsir yfir stuðningi við Biden Erlent Afsalta sjó til drykkjar í þurrki í Barcelona Erlent Hrunið í gömlu kauphöllinni heldur áfram Erlent „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Fleiri fréttir Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Sjá meira
Bashar Farahat er 31 árs gamall, læknir að mennt og starfaði sem slíkur á háskólasjúkrahúsinu í Aleppo í Sýrlandi. En hann var líka andsnúinn stjórnvöldum og tók þátt í friðsælum mótmælum við upphaf átakanna í Sýrlandi, sem síðar urðu blóðugt borgarastríð. Bashar var í kjölfarið handtekinn tvisvar, árin 2012 og 2013, og sat í fangelsi samtals í ellefu mánuði þar sem hann sætti pyntingum og illri meðferð. Bashar lýsti reynslu sinni og annarra sýrlenskra fanga með áhrifamiklum hætti á fundi í Norræna húsinu í dag en hann er gestur Amnesty International á Íslandi í tilefni af hinnu árlega Bréfamaraþoni, átaki Amnesty til að setja þrýsting á stjórnvöld víða um heim um að sleppa samviskuföngum lausum úr haldi. Auk mótmælanna var Bashar meðal annars sakaður um að gera opinskátt um fjölda óbreyttra borgara sem féllu í valinn af völdum stjórnarhers Bashar Al Assads Sýrlandsforseta, og fyrir að hlúa að mótmælendum á bráðabirgðaspítala. Í máli hans í dag kom fram að barsmíðar hófust strax við komuna í fangelsið, þar sem hann var með bundið fyrir augu meðan hópur fangavarða gekk í skrokk á honum. Frá sjúkrahúsi í Aleppo. Bashar starfaði þar sem læknir þegar hann var fyrst handtekinn 2012. Hugmyndir hans um pyntingar breyttust „Áður en ég var handtekinn hafði ég heyrt og lesið heilmikið um pyntingar og sá þær fyrir mér eins og við þekkjum úr bíómyndum, að menn séu hengdir upp, barðir og gefið raflost," sagði Bashar í samtali við fréttastofu í dag. Það gekk raunar eftir, en Bashar segir þó að hugmyndir hans um pyntingar hafi breyst mjög við frelsissviptinguna. Barsmíðar við yfirheyrslur hafi í raun alls ekki verið verstu pyntingarnar. „Ég komst að því að hvert einasta smáatriði í fangelsi er einskonar pynting. Það að búa með hundrað karlmönnum í pínulitlum klefa, það er pynting. Að fá aldrei almennilega að borða eða drekka, að geta ekki andað, það er allt samfelld pynting. Svo þetta sýst ekki bara um yfirheyrsluna, refsingarnar, að vera laminn eða hengdur upp. Allt við fangavistina var pynting.“ Bashar sagði að í huga fanganna hafi í raun verið betra að vera pyntaður en að vera afskiptur. Versta tilfinningin hafi verið ótti um að vera týndur heiminum og daga uppi í fangaklefa öllum gleymdur. Pyntingar og yfirheyrslur hafi hið minnsta gefið til kynna að mál fanga væri á borði einhverra yfirvalda. Bardagamenn úr liði stjórnarandstæðinga í Aleppo reyna að bjarga föllnum félaga sem varð fyrir skoti leyniskyttu stjórnarhersins. Tugþúsundum haldið föngnum Segja má að Bashar sé einn af hinum heppnu, því hann var handtekinn í tvígang en í bæði skiptin sleppt lausum. Þótt hann slyppi á lífi var honum þó tæpast líft í Sýrlandi, enda var honum meinað að starfa áfram sem læknir og vinir hans og kollegar vildu ekki sjást með honum opinberlega af ótta við handtöku. Á endanum flýði hann land, fyrst til Líbanon en í vor fékk hann dvalarleyfi af mannúðarástæðum í Bretlandi þar sem hann býr nú. Mannréttindasamtökin Syrian Network for Human Rights áætla hinsvegar að yfir 65 þúsund manns sem horfið hafa sporlaust í Sýrlandi frá 2011 séu í haldi stjórnvalda. Meirihluti þeirra teljast almennir borgarar, eða 58.148, en vitað er til þess að 6.968 af þeim sem eru í haldi hafi barist með uppreisnarmönnum gegn stjórnarhernum. Bashar segir að ógnin hafi verið allt um lykjandi frá því fyrir upphaf stríðsins. „Hver sem er getur átt von á því að vera handtekinn í Sýrlandi, en meirihluti þeirra sem er haldið eru almennir borgarar, stjórnarandstæðingar, friðsamir mótmælendur eða jafnvel ættingjar mótmælenda. Það versta sem kom fyrir Sýrland var að ráðist hafi verið gegn friðsömum mótmælendum og ástandið þróast yfir í stríð." Bashar Al Assad forseti Sýrlands neitar að fara frá völdum. Isis og flóttamannastraumurinn ekki kjarni vandans Aðspurður um ástandið í Sýrlandi nú segist Bashar telja að mestu mistök Vesturlanda sé að einblína á afleiðingar stríðsins, þ.e. flóttamannastrauminn og uppgang Isis, en sjá ekki heildarmyndina. Það þurfi margþætta lausn. Þar sem frumorsökin sé ofríki Assads sé málið ekki leyst með því að varpa sprengjum á Isis. „Sýrlendingar vildu fá þessa stjórn frá, þeir vildu breytingar og þeir eiga það skilið. Lausnin í Sýrlandi felst í því að vita hvað Sýrlendingar vilja og að taka á málinu heildsætt, ekki bara á hliðarverkununum. Það þarf að ná samkomulagi um að enda þetta stríð. Sýrlendingar eru reiðubúnir að snúa til baka og byggja upp landið sitt, en stríðið kemur í veg fyrir það. Stríðið stendur í milli okkar og vonarinnar." Rania Alabassi starfaði sem tannlæknir í Damaskus þegar hún var handtekin af stjórnvöldum í fyrra. Börn hennar sex, þau Dima, Entisar, Najah, Alaa, Ahmad og Layan voru einnig tekin höndum og ekkert spurst til þeirra síðan. Amnesty International setur nú þrýsting á Assad Sýrlandsforseta að láta þau laus. Reyna að fá sex barna móður leysta úr haldi Sem fyrr segir stendur Amnesty Internatonal nú fyrir svo kölluðu Bréfamaraþoni, þar sem almenningi er gert kleift með auðveldum hætti að senda póstkort til stjórnvalda sem brjóta mannréttindi og þrýsta á umbætur. Meðal þeirra sem Amnesty beinir sjónum að í ár er mál sýrlenskrar konu, Rania Alabassi, sem var tannlæknir í Damaskus. Hún og börn hennar sex voru öll handtekin af stjórnvöldum árið 2013 og hefur ekkert spurst til þeirra síðan. Nánari upplýsingar um hvernig hægt er að leggja málstaðnum lið má finna á vef Amnesty á Íslandi.
Mest lesið Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Bandaríkin stöðvuðu fulla aðild Palestínumanna að SÞ Erlent Katrín á toppnum um allt land Innlent Kennedy-fjölskyldan lýsir yfir stuðningi við Biden Erlent Afsalta sjó til drykkjar í þurrki í Barcelona Erlent Hrunið í gömlu kauphöllinni heldur áfram Erlent „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Fleiri fréttir Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Sjá meira
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent