Fótbolti

Barcelona fór í rúbbí á æfingu - landsliðsþjálfarinn stressaður

Óskar Ófeigur Jónsson skrifar
Pedro Rodriguez á rúbbí-æfingunni í gær.
Pedro Rodriguez á rúbbí-æfingunni í gær. Vísir/Getty
Vicente del Bosque, landsliðsþjálfari Spánverja, hefur áhyggjur af því að landsliðsmenn gætu hreinlega meiðst í kvöld þegar erkióvinirnir Barcelona og Real Madrid berjast um spænska bikarinn.

Það eru aðeins tæpir tveir mánuðir í HM í Brasilíu og stór hluti leikmannahópsins verður á Mestalla-leikvanginum í Valencia í kvöld og þar munu risarnir spila til þrautar um fyrsta stóra titil tímabilsins.

Barcelona-liðið vann tvo deildarleiki liðanna á tímabilinu, fyrst 2-1 á Camp Nou og svo 4-3 á Santiago Bernabeu. Það vakti athygli að Börsungar hituðu upp í rúbbí á einni af síðustu æfingum sínum fyrir leikinn í kvöld.

„Það verður mikill hiti í mönnum og hvorugt liðið mun gefa neitt eftir. Ég vona að þetta verði samt leikur án átaka eða atvika. HM er nú bara handan við hornið," sagði Vicente del Bosque við El Mundo Deportivo.

Stöð 2 Sport mun sýna leikinn beint en leikurinn hefst klukkan 19.30 að íslensum tíma.



Vísir/Getty

Tengdar fréttir




Fleiri fréttir

Sjá meira


×