Enski boltinn

Bakvörður United lánaður til Kára og félaga

Tómas Þór Þórðarson skrifar
Reece James í leik með United.
Reece James í leik með United. vísir/getty
Reece James, 21 árs gamall bakvörður Manchester United, hefur verið lánaður frá félaginu til Kára Árnasonar og félaga hans í Rotherham fram til 10. janúar.

James lofaði góðu á undirbúningstímabilinu, en hann skoraði tvö mörk í stórsigri á Los Angeles Galaxy í æfingaferð United um Bandaríkin.

Hann meiddist rétt fyrir byrjun leiktíðar og hefur því ekkert komið við sögu í úrvalsdeildinni hjá United, en spilaði í 4-0 tapinu gegn MK Dons í deildabikarnum.

Rotherham hefur fatast flugið í B-deildinni, en eftir ágæta byrjun hafa nýliðarnir aðeins unnið tvo leiki af síðustu tólf og ekki innbyrt sigur í síðustu sex umferðum.

Liðið er í 22. sæti með 18 stig eins og tvö önnur lið í mikill fallbaráttu eftir 18 umferðir.




Fleiri fréttir

Sjá meira


×