Innlent

Bændur vilja nýja stjórn og forstjóra

Sveinn Arnarsson skrifar
Bændur eru margir hverjir óánægðir með hvernig á málum er haldið innan MS.
Bændur eru margir hverjir óánægðir með hvernig á málum er haldið innan MS. Fréttablaðið/Stefán
Mikillar óánægju gætir meðal kúabænda, sem eru aðilar að Auðhumlu og þar með eigendur að Mjólkursamsölunni, með þá starfshætti sem MS viðhefur. Vilja sumir hverjir að boðað verði til fulltrúaráðsfundar þar sem kjörin verði ný stjórn Auðhumlu.

Egill Eiríksson, kúabóndi á Seljavöllum við Höfn í Hornafirði og aðalfulltrúi í fulltrúaráði Auðhumlu, telur orðstír MS hafi farið niður á síðustu misserum og stjórnendur þar skuldi kúabændum svör vegna úrskurðar Samkeppniseftirlitsins.

„Við kúabændur viljum ekki að svona sé staðið að málum. Okkur er umhugað um orðstír Mjólkursamsölunnar og viljum ekki að honum sé stefnt í voða. Neytendur verð að vera vissir um það að við séum fyrst og fremst að gæta hagsmuna þeirra,“ segir Egill.

Ólafur Magnússon.
Nú hefur Mjólkursamsalan ákveðið að samræma verðskrá sína á hrámjólk og nú greiða allir sama verðið fyrir mjólkina, 91,40 krónur. Ólafur Magnússon, fyrrverandi eigandi Mjólku, telur þann gjörning sanna það að Mjólkursamsalan hafi ekki farið eftir lögum.

„Þetta er aumt yfirklór. Það eina sem þeir gera er að þeir hækka verð á hrámjólkinni innan samstæðunnar til jafns á við okkur sem stöndum utan kerfis. Þetta mun því ekki hafa nein áhrif á stöðuna eins og hún er. En að sama skapi þá sýnir þessi gjörningur að einhverju leyti játningu á því að þeir hafi ekki farið að lögum.“

Egill Eiríksson telur úrskurð Samkeppniseftirlitsins ekki Mjólkursamsölunni til hagsbóta og nefnir einnig að innflutta írska smjörið hafi svert mannorð fyrirtækisins. „Það var skrítin ákvörðun að flytja inn til landsins írskt smjör til íblöndunar við okkar góða smjör þegar við hefðum sannarlega getað framleitt það sjálf. Á sama tíma vorum við að flytja út hráefni til smjörgerðar sem hefði getað annað eftirspurninni.“

Egill vill skipta út forstjóra Mjólkursamsölunnar.

„Ég tel í ljósi þeirrar stöðu sem uppi er núna að það sé réttast að kalla til fulltrúaráðsfundar þar sem ný stjórn yrði kjörin og í framhaldi af því myndi hún ráða nýjan forstjóra Mjólkursamsölunnar,“ segir Egill.


Tengdar fréttir

Uggandi yfir athöfnum MS

„Markaðsmisnotkun er glæpur gagnvart neytendum og í því getum við ekki tekið þátt,“ sagði Ásmundur Friðriksson, þingmaður, á Alþingi í dag.

Guðni sagður ekki drengur góður

Ólafur M. Magnússon segir Guðna Ágústsson gert sér fyrirsát í sjónvarpsviðtali í gær; greinilegt sé að tekin hafi verið ákvörðun af valdamiklum aðilum í mjólkuriðnaðinum um að sverta mannorð sitt.

Vill breyta lögum verði úrskurður Samkeppniseftirlits staðfestur

Hanna Birna Kristjánsdóttir, ráðherra neytendamála, telur rétt að breyta lögum ef úrskurður Samkeppniseftirlitsins verður staðfestur fyrir dómstólum. Stríðir gegn almennri hugsun um hvernig samkeppni á að virka, segir ráðherrann.

Notkun gervisykurs jafnvel hætt hjá Mjólkursamsölunni

Ný rannsókn bendir til brenglaðs sykurþols vegna neyslu á gervisykri. Vöruþróunarstjóri MS segir að boðið hafi verið upp á mjólkurvörur með gervisykri sem valkost. Alltaf sé litið til Matvælaöryggisstofnunar Evrópu.

Telur búvörulög skila árangri

Guðni Ágústsson, framkvæmdastjóri Samtaka afurðastöðva í mjólkuriðnaði, telur það kerfi sem við búum við í dag hafa skilað um tveimur milljörðum til neytenda árlega.

Ætlar ekki að biðja neytendur afsökunar strax

"Mjólkursamsalan á allt undir velvild og tryggð og trúnaði við neytendur. Ef fyrirtækinu verður á í messunni þá vitaskuld biðst það afsökunar. Við teljum hins vegar að Samkeppnisefitrlitið hafi í þessu máli farið villu vegar,“ segir Einar Sigurðsson forstjóri MS.

Samkeppnisbrot Mjólkursamsölunnar kalli á endurskoðun búvörulaga

Framkvæmdastjóri Samtaka verslunar og þjónustu segir að samkeppnislagabrot Mjólkursamsölunnar kalli á tafarlausa endurskoðun búvörulaga. Hann segir ljóst að neytendur hafi orðið fyrir miklu tjóni vegna þessa og segir nauðsynlegt að Mjólkursamsölunni verði gert að keppa á sömu forsendum og aðrir.

Guðni svarar fyrir sig

Guðni Ágústsson segir Mjólkursamsöluna einhverja helstu velgjörðarmenn Ólafs M. Magnússonar hjá Kú ehf, sem um getur.

MS beggja vegna borðsins

Tveir frá MS sitja í sex manna opinberri verðlagsnefnd búvara sem lögum samkvæmt ákveður afurðaverð til búvöruframleiðenda og verð búvara í heildsölu og tekur einnig á móti kvörtunum frá þeim sem starfa í greininni.

„Eðlilegt að Mjólka greiddi hærra verð“

Egill Sigurðsson, formaður stjórnar Mjólkursamsölunnar, telur eðlilegt að fyrirtæki utan MS borgi hærra verð fyrir mjólkina en aðrir aðilar á markaði. "Fullyrði að úrskurður Samkeppniseftirlitsins er byggður á misskilningi,“ segir Egill.

MS sektað um 370 milljónir króna

Samkeppniseftirlitið lítur brot MS á samkeppnislögum alvarlegum augum. Niðurstaðan kemur fyrirtækinu á óvart og hyggst það áfrýja málinu.




Fleiri fréttir

Sjá meira


×