Aukaspyrnan var lögleg: Sáum Midtjylland gera þetta

Louis van Gaal, stjóri Manchester United, segir að aukaspyrnumark Juan Mata í bikarsigrinum á Shrewsbury í kvöld hafi verið löglegt.

Í aukaspyrnunni stilltu þrír leikmenn United sig upp í nokkurs konar „sóknarvegg“ inn fyrir varnarvegg heimamanna í Shrewsbury. Þeir náðu ekki að koma sér úr rangstöðu áður en Mata tók spyrnuna sína en markið stóð engu að síður gilt.

Markvörður Shrewsbury sá boltann of seint og kom engum vörnum við. Mata kom United í 2-0 forystu með markinu en leiknum lyktaði með 3-0 sigri þeirra rauðklæddu. Markið má sjá í spilaranum hér fyrir ofan.

Sjá einnig: Auðveldur skyldusigur United | Sjáðu mörkin

„Við lærðum þetta eftir að hafa undirbúið okkur gegn [danska liðinu] Midtjylland [fyrir leik liðanna í Evrópudeildinni]. Þeir voru að gera þetta,“ sagði Van Gaal eftir leikinn.

„Við héldum alltaf að þetta væri rangstaða. En við spurðum dómara og þeir sögðu að þetta væri löglegt. Þannig að þetta má maður gera.“

Það eru þó ekki allir sáttir við þessa niðurstöðu og einn þeirra er Kasper Schmeichel, markvörður Leicester, eins og lesa má um hér fyrir neðan.

Massive offside!!!!!

— Kasper schmeichel (@kschmeichel1) February 22, 2016

Cannot believe that wasn't given!!! Completely obscuring the keepers view therefore they are influencing play!

— Kasper schmeichel (@kschmeichel1) February 22, 2016

This situation happens so often and they aren't given its unbelievable If they are anywhere within the goal frame they are interfering

— Kasper schmeichel (@kschmeichel1) February 22, 2016