Augnablikið sem aldrei gleymist Ingvi Þór Sæmundsson skrifar 21. október 2016 06:00 Aleander í leik með landsliðinu. vísir/getty Alexander Petersson staðfesti við Morgunblaðið í gær að hann væri hættur að spila með landsliðinu. Stundum er talað um að íþróttamenn þurfi að eiga eitt augnablik sem þeirra er öðru fremur minnst fyrir. Johan Cruyff átti Cruyff-snúninginn, Diego Maradona hönd guðs, Jón Páll „Þetta er ekkert mál fyrir Jón Pál“ og svo mætti lengi telja. Alexander Petersson átti líka sitt augnablik Það kom í leik Íslands og Póllands um bronsið á EM 2010 í Austurríki. Þegar ein og hálf mínúta var eftir af leik var dæmd leiktöf á íslenska liðið í stöðunni 28-26, boltanum var kastað fram á Tomasz Tluczynski sem var kominn einn gegn Hreiðari Levý Guðmundssyni. Það virtist aðeins einn möguleiki í stöðunni: pólskt mark. En þá birtist Alexander eins og skrattinn úr sauðarleggnum, hljóp í einum hvínandi hvelli til baka, kastaði sér á eftir boltanum og sló hann aftur fyrir. Fæstir vissu hvaðan á þá stóð veðrið enda slík tilþrif afar sjaldséð. Fyrir Alexander virtist þetta álíka hversdagslegt og að borða hafragraut. Hann stóð upp, gaf nokkrar fimmur og kom sér á sinn stað í vörninni eins og ekkert hefði í skorist. Mikilvægi þessa magnaða og óvenjulega varnarleiks verður seint ofmetið. Á þessum tímapunkti voru Íslendingar í vandræðum og mátturinn með Pólverjum í liði. Ef Alexander hefði verið sekúndu seinni hefði það þýtt rautt spjald, vítakast og líklega pólskan sigur. En Pólverjar fengu bara aukakast og vörnin breytti taktinum í leiknum. Íslendingar fengu ekki á sig mark það sem eftir var af leiknum og Guðjón Valur Sigurðsson gulltryggði Íslandi sigurinn og bronsið þegar hann skoraði 29. mark liðsins. Það er fyrst og fremst fyrir þetta augnablik sem Alexanders verður minnst; þarna rótfesti hann sig í huga íslensku þjóðarinnar. Varnarleikurinn var líka lýsandi fyrir hann; fórnfýsin, vinnusemin einkenndi, og einkennir enn, hans leik. Eftir átta krefjandi leiki á 13 dögum hafði Alexander enn orku og kraft til að hlaupa til baka og bjarga málunum. Og svo hjálpaði fræg lýsing Adolfs Inga Erlingssonar auðvitað til: „Hvaðan kom hann? Hvert er hann að fara? Hvað er hann?“ Þau orð gleymast seint. Þetta augnablik varpar að vissu leyti skugga á allt hitt á farsælum ferli Alexanders. Það gleymist kannski að hann spilaði kjálkabrotinn á EM 2006, var besti leikmaður Íslands á HM 2011 og valinn í úrvalslið mótsins, framlengdi feril Ólafs Stefánssonar um nokkur ár, var einn besti alhliða leikmaður sem við höfum átt og síðast en ekki síst einn af lykilmönnum íslenska landsliðsins á gullaldarskeiði þess. „Hann er okkar mikilvægasti leikmaður að mínu mati því að landsliðið fer allt í einu gang þegar hann byrjar að mæta. Hann er líklega töframaðurinn í allri velgengni liðsins. Hann er lítillátur og karakterinn er allur fallegur og góður. Hann tekur þessu öllu með sinni ró og virðist vera stoltur af því að vera Íslendingur,“ sagði Ólafur Stefánsson um Alexander eftir að hann var kjörinn Íþróttamaður ársins 2010. Stundin þegar Alexander tók við verðlaunagripnum fyrir Íþróttamann ársins var stór. Hann var fyrsti, og enn þá eini, íþróttamaðurinn af erlendu bergi brotinn sem hefur verið valinn íþróttamaður ársins á Íslandi. Rúmum áratug áður kom hann til landsins, 18 ára gamall, frá Lettlandi, hóf að spila með Gróttu/KR og vann í Seglagerðinni Ægi meðfram því. Þaðan lá leiðin til Þýskalands þar sem hann hefur spilað við góðan orðstír frá 2003. Og landsliðið naut krafta hans í rúman áratug en á þeim tíma vann Ísland til silfurverðlauna á Ólympíuleikum, bronsverðlauna á EM, endaði í 6. sæti á HM 2011, 8. sæti á HM 2007 og 7. sæti á EM 2006. Ísland hefur gefið Alexander mikið og hann gaf landsliðinu sín bestu ár sem handboltamaður. Handbolti Mest lesið „Það er ekkert sem stoppar Remy Martin“ Sport Arna spilar með FH næstu þrjú árin Íslenski boltinn Þórsara dreymir um heimavallarrétt Körfubolti Umfjöllun og viðtöl: Keflavík - Njarðvík 127-114 | Engin bikarþynnka og sigur sem telur meira en aðrir Körfubolti Bjarki Már og félagar í góðri stöðu Handbolti PSG mætir Lyon í undanúrslitum Fótbolti Arnór frá út tímabilið eftir ömurlega tæklingu Ísraelans Fótbolti „Verð dæmdur fyrir þetta restina af ævi minni“ Sport „Greinilega áherslubreytingar hjá dómurum varðandi ástríðu og tilfinningar“ Körfubolti Umfjöllun og viðtöl: Valur - Breiðablik 106-94 | Toppliðið sýndi klærnar nógu mikið gegn Blikum Körfubolti Fleiri fréttir Bjarki Már og félagar í góðri stöðu Góður árangur í Evrópu dýru verði keyptur fyrir leikmenn Vals Danirnir ánægðir með Guðmund: „Enginn að kvarta yfir þessu hér“ Menn fái sér páskaegg númer tvö en ekki tíu „Hörkuleikur sem sveiflast fram og til baka en rosalegur karakter að ná að klára þetta“ Viktor Gísli sagður á leið til Barcelona Umfjöllun og viðtöl: Víkingur R. - HK 21-26 | HK úr fallsæti eftir sigur gegn Víkingi „Þið sem fjallið um þetta verðið að skilja það að þið eruð ekki á æfingum“ Línur teknar að skýrast og Valsmenn halda í vonina Umfjöllun, viðtöl og myndir: FH - Haukar 28-31 | Haukar eiga montréttinn í Hafnarfirði Öruggt hjá Mosfellingum gegn KA Á förum frá Zwickau Blóð, sviti, tár og andvökunætur Guðmundar Handboltaparið flytur suður að tímabilinu loknu Patrekur tekur við kvennaliði Stjörnunnar Guðmundur segist bara hafa sagt sannleikann Ómar Ingi með stórskotasýningu í sigri Magdeburg Valsmenn unnu eins marks sigur í Rúmeníu Lærisveinar Rúnars lentu á hraðahindrun Enn fúll yfir ráðningu Dags og telur að hann vinni ekki verðlaun Línurnar klárar fyrir umspilið í Olís-deildinni „Við förum upp aftur“ KA valtaði yfir Víking í frestuðum leik Umfjöllun og viðtöl: Fram - KA/Þór 26 - 23 | Norðankonur fallnar Sigvaldi tryggði Kolstad Noregsmeistaratitilinn Halldór slapp við fall og úrslitakeppnin klár Lið Halldórs látið spila eftir að áhorfandi lést og fjölskyldan horfði á FH sótti ekki gull í greipar Eyjamanna og toppbaráttan lifir enn góðu lífi Elvar Örn öflugur og Melsungen stefnir á Evrópu Reistad og Gidsel valin besta handboltafólk í heimi Sjá meira
Alexander Petersson staðfesti við Morgunblaðið í gær að hann væri hættur að spila með landsliðinu. Stundum er talað um að íþróttamenn þurfi að eiga eitt augnablik sem þeirra er öðru fremur minnst fyrir. Johan Cruyff átti Cruyff-snúninginn, Diego Maradona hönd guðs, Jón Páll „Þetta er ekkert mál fyrir Jón Pál“ og svo mætti lengi telja. Alexander Petersson átti líka sitt augnablik Það kom í leik Íslands og Póllands um bronsið á EM 2010 í Austurríki. Þegar ein og hálf mínúta var eftir af leik var dæmd leiktöf á íslenska liðið í stöðunni 28-26, boltanum var kastað fram á Tomasz Tluczynski sem var kominn einn gegn Hreiðari Levý Guðmundssyni. Það virtist aðeins einn möguleiki í stöðunni: pólskt mark. En þá birtist Alexander eins og skrattinn úr sauðarleggnum, hljóp í einum hvínandi hvelli til baka, kastaði sér á eftir boltanum og sló hann aftur fyrir. Fæstir vissu hvaðan á þá stóð veðrið enda slík tilþrif afar sjaldséð. Fyrir Alexander virtist þetta álíka hversdagslegt og að borða hafragraut. Hann stóð upp, gaf nokkrar fimmur og kom sér á sinn stað í vörninni eins og ekkert hefði í skorist. Mikilvægi þessa magnaða og óvenjulega varnarleiks verður seint ofmetið. Á þessum tímapunkti voru Íslendingar í vandræðum og mátturinn með Pólverjum í liði. Ef Alexander hefði verið sekúndu seinni hefði það þýtt rautt spjald, vítakast og líklega pólskan sigur. En Pólverjar fengu bara aukakast og vörnin breytti taktinum í leiknum. Íslendingar fengu ekki á sig mark það sem eftir var af leiknum og Guðjón Valur Sigurðsson gulltryggði Íslandi sigurinn og bronsið þegar hann skoraði 29. mark liðsins. Það er fyrst og fremst fyrir þetta augnablik sem Alexanders verður minnst; þarna rótfesti hann sig í huga íslensku þjóðarinnar. Varnarleikurinn var líka lýsandi fyrir hann; fórnfýsin, vinnusemin einkenndi, og einkennir enn, hans leik. Eftir átta krefjandi leiki á 13 dögum hafði Alexander enn orku og kraft til að hlaupa til baka og bjarga málunum. Og svo hjálpaði fræg lýsing Adolfs Inga Erlingssonar auðvitað til: „Hvaðan kom hann? Hvert er hann að fara? Hvað er hann?“ Þau orð gleymast seint. Þetta augnablik varpar að vissu leyti skugga á allt hitt á farsælum ferli Alexanders. Það gleymist kannski að hann spilaði kjálkabrotinn á EM 2006, var besti leikmaður Íslands á HM 2011 og valinn í úrvalslið mótsins, framlengdi feril Ólafs Stefánssonar um nokkur ár, var einn besti alhliða leikmaður sem við höfum átt og síðast en ekki síst einn af lykilmönnum íslenska landsliðsins á gullaldarskeiði þess. „Hann er okkar mikilvægasti leikmaður að mínu mati því að landsliðið fer allt í einu gang þegar hann byrjar að mæta. Hann er líklega töframaðurinn í allri velgengni liðsins. Hann er lítillátur og karakterinn er allur fallegur og góður. Hann tekur þessu öllu með sinni ró og virðist vera stoltur af því að vera Íslendingur,“ sagði Ólafur Stefánsson um Alexander eftir að hann var kjörinn Íþróttamaður ársins 2010. Stundin þegar Alexander tók við verðlaunagripnum fyrir Íþróttamann ársins var stór. Hann var fyrsti, og enn þá eini, íþróttamaðurinn af erlendu bergi brotinn sem hefur verið valinn íþróttamaður ársins á Íslandi. Rúmum áratug áður kom hann til landsins, 18 ára gamall, frá Lettlandi, hóf að spila með Gróttu/KR og vann í Seglagerðinni Ægi meðfram því. Þaðan lá leiðin til Þýskalands þar sem hann hefur spilað við góðan orðstír frá 2003. Og landsliðið naut krafta hans í rúman áratug en á þeim tíma vann Ísland til silfurverðlauna á Ólympíuleikum, bronsverðlauna á EM, endaði í 6. sæti á HM 2011, 8. sæti á HM 2007 og 7. sæti á EM 2006. Ísland hefur gefið Alexander mikið og hann gaf landsliðinu sín bestu ár sem handboltamaður.
Handbolti Mest lesið „Það er ekkert sem stoppar Remy Martin“ Sport Arna spilar með FH næstu þrjú árin Íslenski boltinn Þórsara dreymir um heimavallarrétt Körfubolti Umfjöllun og viðtöl: Keflavík - Njarðvík 127-114 | Engin bikarþynnka og sigur sem telur meira en aðrir Körfubolti Bjarki Már og félagar í góðri stöðu Handbolti PSG mætir Lyon í undanúrslitum Fótbolti Arnór frá út tímabilið eftir ömurlega tæklingu Ísraelans Fótbolti „Verð dæmdur fyrir þetta restina af ævi minni“ Sport „Greinilega áherslubreytingar hjá dómurum varðandi ástríðu og tilfinningar“ Körfubolti Umfjöllun og viðtöl: Valur - Breiðablik 106-94 | Toppliðið sýndi klærnar nógu mikið gegn Blikum Körfubolti Fleiri fréttir Bjarki Már og félagar í góðri stöðu Góður árangur í Evrópu dýru verði keyptur fyrir leikmenn Vals Danirnir ánægðir með Guðmund: „Enginn að kvarta yfir þessu hér“ Menn fái sér páskaegg númer tvö en ekki tíu „Hörkuleikur sem sveiflast fram og til baka en rosalegur karakter að ná að klára þetta“ Viktor Gísli sagður á leið til Barcelona Umfjöllun og viðtöl: Víkingur R. - HK 21-26 | HK úr fallsæti eftir sigur gegn Víkingi „Þið sem fjallið um þetta verðið að skilja það að þið eruð ekki á æfingum“ Línur teknar að skýrast og Valsmenn halda í vonina Umfjöllun, viðtöl og myndir: FH - Haukar 28-31 | Haukar eiga montréttinn í Hafnarfirði Öruggt hjá Mosfellingum gegn KA Á förum frá Zwickau Blóð, sviti, tár og andvökunætur Guðmundar Handboltaparið flytur suður að tímabilinu loknu Patrekur tekur við kvennaliði Stjörnunnar Guðmundur segist bara hafa sagt sannleikann Ómar Ingi með stórskotasýningu í sigri Magdeburg Valsmenn unnu eins marks sigur í Rúmeníu Lærisveinar Rúnars lentu á hraðahindrun Enn fúll yfir ráðningu Dags og telur að hann vinni ekki verðlaun Línurnar klárar fyrir umspilið í Olís-deildinni „Við förum upp aftur“ KA valtaði yfir Víking í frestuðum leik Umfjöllun og viðtöl: Fram - KA/Þór 26 - 23 | Norðankonur fallnar Sigvaldi tryggði Kolstad Noregsmeistaratitilinn Halldór slapp við fall og úrslitakeppnin klár Lið Halldórs látið spila eftir að áhorfandi lést og fjölskyldan horfði á FH sótti ekki gull í greipar Eyjamanna og toppbaráttan lifir enn góðu lífi Elvar Örn öflugur og Melsungen stefnir á Evrópu Reistad og Gidsel valin besta handboltafólk í heimi Sjá meira
Umfjöllun og viðtöl: Keflavík - Njarðvík 127-114 | Engin bikarþynnka og sigur sem telur meira en aðrir Körfubolti
Umfjöllun og viðtöl: Valur - Breiðablik 106-94 | Toppliðið sýndi klærnar nógu mikið gegn Blikum Körfubolti
Umfjöllun og viðtöl: Keflavík - Njarðvík 127-114 | Engin bikarþynnka og sigur sem telur meira en aðrir Körfubolti
Umfjöllun og viðtöl: Valur - Breiðablik 106-94 | Toppliðið sýndi klærnar nógu mikið gegn Blikum Körfubolti