Viðskipti innlent

Atvinnuleysi í maímánuði ekki lægra í áratug

Sæunn Gísladóttir skrifar
Hlutfall atvinnulausra af vinnuafli var 4,1 prósent í maímánuði.
Hlutfall atvinnulausra af vinnuafli var 4,1 prósent í maímánuði. fréttablaðið/valli
Samkvæmt Vinnumarkaðsrannsókn Hagstofu Íslands var hlutfall atvinnulausra af vinnuafli 4,1 prósent í maímánuði. Atvinnuleysi hefur ekki mælst jafn lágt í maímánuði síðan árið 2005 þegar það mældist einnig 4,1 prósent.

Að jafnaði voru 203.600 manns á aldrinum 16-74 ára á vinnumarkaði í maí 2016, sem jafngildir 86,1 prósent atvinnuþátttöku. Af þeim voru 195.400 starfandi og 8.200 án vinnu og í atvinnuleit. Hlutfall starfandi af mannfjölda var 82,7 prósent og hlutfall atvinnulausra af vinnuafli var 4,1 prósent. Samanburður mælinga fyrir maí 2015 og 2016 sýnir að atvinnuþátttakan jókst um tvö prósentustig.

Fjöldi starfandi jókst um 12.500 og hlutfallið af mannfjölda jókst um 4,2 stig. Atvinnulausum fækkaði um 5.000 manns og hlutfall þeirra af vinnuaflinu minnkaði um 2,7 prósentustig.

 






Fleiri fréttir

Sjá meira


×