Íslenski boltinn

Atli Sigurjóns framlengir við KR

Tómas Þór Þórðarson skrifar
Atli Sigurjónsson er ekki á leið úr Vesturbænum.
Atli Sigurjónsson er ekki á leið úr Vesturbænum. vísir/vilhelm
Atli Sigurjónsson skrifar undir eins árs framlengingu á samningi sínum við KR í dag, en núgildandi samningur hans átti að renna út í haust.

Samkvæmt heimildum Vísis höfðu bæði Fram og Þór mikinn áhuga á að fá Atla í sínar raðir og voru vongóð um að það gæti gerst.

„Það var áhugi á honum og hann var á báðum áttum held ég. Það eru öll lið hringjandi og spyrjandi um strákana sem spila minna eins og gengur og gerist,“ segir KristinnKjærnested, formaður knattspyrnudeildar KR, við Vísi.

Atli er uppalinn hjá Þór, en kom til KR 2012 og er á sínu þriðja ári með vesturbæjarliðinu. Hann hefur komið við sögu í fimm leikjum KR í Pepsi-deildinni í sumar og skorað eitt mark.

„Ef allt gengur að óskum verðum hann kominn með nýjan eins árs samning áður en við förum til Eyja í dag,“ segir Kristinn , en KR mætir ÍBV í undanúrslitum Borgunarbikarsins í kvöld.




Fleiri fréttir

Sjá meira


×