Enski boltinn

Aston Villa stöðvaði sigurgöngu United | Sjáðu mörkin

Anton Ingi Leifsson skrifar
Úr leik dagsins.
Úr leik dagsins. vísir/getty
Aston Villa náði góðu jafntefli á heimavelli gegn Manchester United, en þeir voru einum færri í tæpan hálftíma.

Christian Benteke kom Villa yfir með mögnuðu marki eftir átján mínútna leik. Hann fékk þá boltann í teignum og sneri hann skemmtilega í fjærhornið.

Gestirnir reyndu og reyndu og loks tókst að jafna á 53. mínútu þegar Radamel Falcao jafnaði metin með skalla eftir frábæran undirbúning í boði Ashley Young.

Á 65. mínútu fékk svo Gabriel Agbonlahor að líta rauða spjaldið þegar hann braut á Ashley Young, en dómurinn var ansi strangur.

United freistaðist til að vinna sjöunda leikinn í röð, en þeir náðu ekki að skora og lokatölur 1-1.

Louis van Gaal og lærisveinar sitja því í þriðja sæti deildarinnar með 32 stig, sjö stigum á eftir toppliðunum tveimur.

Aston Villa er í tólfta sæti með 20 stig.

Frábært mark Benteke: Falcao jafnar fyrir United:



Fleiri fréttir

Sjá meira


×