┴smundur segir listamenn ver­a a­ ■ola umrŠ­una

 
Innlent
13:18 27. JAN┌AR 2016
┴smundur Štlar sÚr ekki a­ tipla ß tßnum Ý kringum umrŠ­uefni­ sem er reyndar sjˇ­heitt: Listmannalaunin.
┴smundur Štlar sÚr ekki a­ tipla ß tßnum Ý kringum umrŠ­uefni­ sem er reyndar sjˇ­heitt: Listmannalaunin.
skrifar

Ásmundur Friðriksson mun efna til sérstakrar umræðu um listamannalaun á Alþingi og er málið á dagskrá þingsins klukkan 16:30. Illugi Gunnarsson menntamálaráðherra verður til andsvara. Gera má ráð fyrir heitum umræðum um þetta mál sem hefur verið mjög í deiglunni undanfarna daga og sitt sýnist hverjum.

Val í úthlutunarnefndirnar skandall
„Ég mun leggja mesta áherslu á spurningar sem snúa að því hvernig ráðherrann hyggst bregðast við þessari gagnrýni í samfélaginu,“ segir Ásmundur en Vísir spurði þingmanninn hvernig hann hygðist leggja málið upp? Ljóst má vera að Ásmundur hefur ekki í hyggju að tipla á tánum í kringum viðfangsefnið.

„Ég vil fá svör við því hvort hann sé tilbúinn að auka gegnsæi í umsóknunum, sem mér finnst mikilvægt. Og einnig hvort rétt sé að taka upp tekjutengingar, því sem betur fer eru nokkrir listamenn sem hafa mjög góð laun. Svo eru þessar úthlutunarnefndir, eða tilnefningar í þær, algjör skandall,“ segir Ásmundur og heldur áfram:

„Ég er smeykur um að ef þingmenn störfuðum á sama hátt að þá heyrðist hátt í sjálfskipuðum álitsgjöfum úr listaheiminum sem eðlilega hafa oft hátt í þjóðfélagsumræðunni um ýmis mál. Þeir hinir sömu verða því að þola þegar rætt er um þeirra mál sem eru í algjörum molum og ekki boðlegt hvernig rithöfundar og fagfélag þeirra skipar sjálft sitt fólk í úthlutunarnefndir sem síðan úthluta þeim sem sem skipuðu þá, listamannalaunum, jafnvel til margra ára.“

Hálfur milljarður til skiptanna
Í dag birtust niðurstöður könnunar MMR um afstöðu landsmanna til listmannalauna og þar kemur fram að stuðningur fyrir launin hefur aukist verulega á milli ára. Þannig eru rúm 53 prósent fylgjandi því að ríkið greiði út listmannalaun en tæp 47 prósent eru því andvíg, en stuðningur við launin hefur aukist verulega á undanförnum árum. Viðhorf til listamannalauna var vegið og metið að teknu tilliti til stuðnings við stjórnmálaflokka og í ljós kemur að Framsóknarmenn eru að 77 prósentum andsnúnir starfslaununum og 68 prósent Sjálfstæðismanna. Hins vegar eru 80 prósent þeirra sem styðja Samfylkingu og VG fylgjandi laununum.

Ásmundur segist fylgjandi listamannalaunum en þá með þeim fyrirvara að farið verði í gegnum það hvernig staðið er að þessum greiðslum. Hann segir nauðsynlegt að skýrar verklagsreglur séu upp. Um sé að ræða rúmar 500 milljónir króna af almannafé.

Þingmenn stjórnarandstöðunnar verða einnig til andsvara auk Illuga og má búast við fjörlegum umræðum, jafnvel listamönnum á þingpöllum og víst má telja að ræða Ásmundar mun vekja mikla athygli ekki síst meðal þeirra sem vilja standa vörð um listamannalaunin og það fyrirkomulag sem stuðst hefur verið við.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir og ummŠli ■eirra sem tjß sig ekki undir eigin nafni.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / ┴smundur segir listamenn ver­a a­ ■ola umrŠ­una
Fara efst