Glamour

Björk í fullum Utopiu skrúða

Ritstjórn skrifar
Björk umvafin flautuleikurunum sem eru með henni á sviðinu allan tímann.
Björk umvafin flautuleikurunum sem eru með henni á sviðinu allan tímann. Myndir: Santiago Felipe
Björk Guðmundsdóttir hóf tónleikaferðalag sitt í Utopiu túrnum í Háskólabíó í gærkvöldi við góðar undirtektir. 

Björk bauð gestum upp á ævintýraheiminn Utopiu í öllu sínu veldi með fallegri sviðsmynd, búningum, og svo ekki sé minnst á flautuleikarana sem voru með henni á sviðinu allan tímann, þær  Steinunn Vala Pálsdóttir Áshildur Haraldsdóttir, Emilía Rós Sigfúsdóttir,Berglind María Tómasdóttir, Björg Brjánsdóttir,  Melkorka Ólafsdóttir og Þuríður Jónsdóttir.

Bergur Þórisson var á básúnu og sá um rafhljóð sem og að ásláttarmeistarinn Manu Delago kom fram. Margrét Bjarnadóttir sá um kóreógrafíu og Heimir Sverrisson um leikmyndina.

Næstu tónleikar eru á fimmtudaginn og af myndunum að dæma þá eiga gestir von á góðu.

Myndirnar tók Santiago Felipe.  






×