MIĐVIKUDAGUR 24. ÁGÚST NÝJAST 13:45

Telja ríkiđ fengiđ viđunandi verđ viđ söluna á hlut í Reitum

VIĐSKIPTI

Ódýrara ađ ferđast međ einkaţotu en međ lággjaldaflugfélögum

 
Viđskipti erlent
13:29 23. JÚLÍ 2014
Hér má sjá einkaţotu sem var á Reykjavíkurflugvelli í síđasta mánuđi. Kannski hefur ţađ bara veriđ ódýrt flug.
Hér má sjá einkaţotu sem var á Reykjavíkurflugvelli í síđasta mánuđi. Kannski hefur ţađ bara veriđ ódýrt flug. VÍSIR/VALLI

Nú er hægt að spara með því að ferðast frekar með einkaþotu en að fljúga með lággjaldaflugfélögum. Fyrirtækið PrivateFly býður nú upp á ódýrari fargjöld en flugfélagið EasyJet, sem er þekkt fyrir sitt lága verðlag, á ákveðnum flugleiðum.

Umfjöllun um þetta óvenjulega tilboð má finna í breska miðlinum Telepgraph.

Þar kemur fram að hægt er að ferðast á milli London til frönsku borgarinnar Cannes fyrir 171 pund á manninn, sem gerir um 33 þúsund krónur. Að ferðast með EasyJet frá London til Nice kostar 183 pund eða um 36 þúsund krónur. Um 42 kílómetrar eru á milli Cannes og Nice og því spara þeir sem vilja fara til Cannes talsverðan pening með því að fljúga með einkaþotu.

Verðið á flugfari með einkaþotum er því sambærilegt því sem flugfélög á almennum markaði bjóða. Hægt er að fljúga til Parísar frá London á sama verði með einkaþotu og ódýrustu miðarnir með British Airways kosta, sömu leið.

Adam Twidell, forstjóri PrivateFly, segir að fyrirtækið bjóði upp á sérstök tilboð á ákveðnum flugleiðum með stuttum fyrirvara. Þegar fyrirtækið fær spurnir af því að einkaþotur þurfi að ferðast tómar á milli borga (sem á ensku er kallað „empty leg“), býður það viðskiptavinum sínum að kaupa ódýrt far með vélinni. Verð fargjaldsins fer eftir því hvernig flugvél er flogið með, en viðskiptavinir þurfa ekki að hafa áhyggjur af því hversu margir ferðast með vélinni. Hægt er að kaupa stakan miða í einkaþotuna.

Tidwell viðurkennir að PrivateFly geti ekki alltaf tryggt viðskiptavinum sínum far aftur heim. Stundum gengur það upp en oft þurfa viðskiptavinirnir að leita til annarra flugfélaga til þess að komast heim. En það breytir því ekki að verðið á sumum fargjöldum veitir fólki tækifæri til þess að upplifa lúxus fyrir lítinn pening.

Í umfjöllun Telegraph um málið kemur til dæmis fram að hægt er að spara talsverðar upphæðir í lengri flugum – sérstaklega þegar verðið á fargjöldum PrivateFly er borið saman við verðið á fyrsta farrými ýmissa flugfélaga.

Uppfært 14:55
Upphaflega var hlekkur inni í fréttinni sem sýndi leiðina á milli Nice og þorpsins Cannes Ecluse, en ekki Nice og borgarinnar Cannes. Það hefur nú verið leiðrétt. Vísir þakkar ábendingar lesenda.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti erlent / Ódýrara ađ ferđast međ einkaţotu en međ lággjaldaflugfélögum
Fara efst