Ný mynd um Jacko

Ný heimildarmynd um popparann Michael Jackson verður frumsýnd í næsta mánuði. Rithöfundurinn og kvikmyndagerðarmaðurinn Ian Halperin ákvað að breyta bók sinni, Unmasked: The Final Years of Michael Jackson, í 88 mínútna heimildarmynd og nefnist hún Gone Too Soon.

Í myndinni verðar sýndar myndir sem voru teknar skömmu áður en hann dó. Einnig verða í henni viðtöl við vini og samstarfsmenn Jacksons. Fjölskylda popparans tók ekki þátt í gerð myndarinnar, sem verður frumsýnd í Cannes í næsta mánuði. Stutt er síðan heimildarmynd um undirbúning Jacksons fyrir tónleikaferð sína í London var sýnd við góðar viðtökur um heim allan. Skömmu áður en tónleikaferðin hófst lést popparinn úr hjartaáfalli vegna banvænnar lyfjablöndu.