Sautján í smábíl

Það er ekkert nýtt að krakkarnir í Sundfélaginu Vestra á Ísafirði slái met á sundmótum víða um land, en á dögunum reyndu þeir við met af öðrum toga. Þá tróðu 16 krakkar sér inn í Daewoo Matiz smábíl ásamt þjálfara sínum, Benedikt Sigurðssyni. „Stefnan er að bæta metið innan tíðar því nóg pláss var í bílnum fyrir fleiri krakka, það mættu bara ekki fleiri á æfingu þennan daginn,“ segir Benedikt. Myndir af þessu skondna uppátæki er að finna á vef Vestra.

thelma@bb.is