Snjósleðamenn lentu í snjóflóði

Þrír snjósleðamenn eru látnir og margra er saknað í Kanada eftir að snjóflóð féll í kanadísku klettafjöllunum í gær. Um 200 snjósleðamenn voru þar samankomnir á móti þegar flóðið skall á hluta hópsins.

Tólf slösuðust í flóðinu en óljóst er hve margir hafa grafist undir snjónum. Sleðafólkið hafði haldið í fjöllin þrátt fyrir ítrekaðar aðvaranir um hættu á snjóflóðum.