Alþingi götunnar stendur fyrir mótmælafundi á Austurvelli

Alþingi götunnar, sem stofnsett var síðastliðinn laugardag stendur nú fyrir mótmælafundi á Austurvelli klukkan þrjú í dag. Alþingi götunnar eru einskonar regnhlífarsamtök mótmælenda en að samtökunum standa ýmis félög sem hafa látið til sín taka frá hruni.

Fundurinn verður með svipuðu sniði og þeir mótmælafundir sem haldnir hafa verið á Austurvelli síðustu misserin en ræðumenn í dag eru þau Vésteinn Valgarðsson, Rakel Sigurgeirsdóttir og Einar B. Bjarnason.