Árshátíð FB og Frumskógarlögmálið

Sjaldan (ef nokkurntíman) í sögu skólans hefur árshátíð okkar NFB-inga verið jafn mikið til umræðu.

Eftir að ákvörðun skólameistara um staðsetningu hennar varð ljós var tvennt í stöðunni: að halda enga árshátíð eða að gera hana með stæl!

Fyrir sanna FB-inga var því aðeins eitt í stöðunni: Við ákváðum að marka nýtt upphaf, setja nýja hefð og gera árshátíð NFB árið 2010 enn stærri, margfalt flottari og glæsilegri en síðustu ár!

Tveir staðir urðu fyrir valinu en það eru Hótel Saga og Turninn í Kópavogi. Veislustjórar kvöldsins voru snillingarnir Sveppi og Auddi og stóðu þeir sig með príði og áttu ekki erfitt með að skemmta gestum!

Dagskrá kvöldsins innihélt meðal annars tónlistaratriði frá kennurum í hljómsveitinni Whalers, dansatriði frá danshópnum Rebel og atriði frá kennurum! Bloodgroup og Skítamórall spiluðu svo fyrir dansi á ballinu og var dansað langt fram á nótt!

Frumsýning Frumskógarlögmálsins heppnaðist líka mjög vel og voru gestir ánægðir með sýninguna.

Við ákváðum í ár að gera einhvað alveg nýtt og halda sýninguna í nýjum matsal FB og tókst frábærlega að breyta honum í leikhús!

Leikritið er eftir Bjartmar Þórðarson í leikstjórn Þórunnar Ernu Clausen og er það byggt á handriti Tinu Fey.

Miðaverð 1000 kr. fyrir NFB og meðlimi FÍFL og 1500 kr. fyrir aðra

Sýningardagar:
10.mars kl.13:00 (Frumsýning)
14.mars kl.20:00
16.mars kl.20:00
18.mars kl.20:00
21.mars kl.20:00 (Lokasýning)

Miðasala er í FB og á midi.is

Frekari upplýsingar í síma 770-4116 og 777-0057

Við hvetjum alla til að koma og kíkja á leikritið hjá okkur því þetta er frábært gamanleikrit fyrir fólk á öllum aldri!