Flugumferðarstjórar fara í verkfall á morgun

Samningafundi Félags íslenskra flugumferðarstjóra með viðsemjendum var slitið rétt fyrir klukkan sjö í kvöld án niðurstöðu. Því er ljóst að fjögurra tíma verkfall verður í fyrramálið eins og boðað hafði verið

Ottó Garðar Eiríksson, formaður félagsins, segir að fundað verði með Ríkissáttasemjara á morgun klukkan eitt. Ég hef alltaf sagt að ég er vongóður um niðurstöðu, en það er leiðinlegt að þetta þurfi að fara út í verkfall á morgun," segir Ottó, aðspurður um það hvernig hann býst við því að málin þróist á morgun.

Ottðo segist vonast til þess að deilan leysist fljótlega en ekkert sé gefið nákvæmlega upp um það hvernig málin standi.

Verkfallið mun standa frá klukkan sjö í fyrramálið til klukkan ellefu. Búast má við töfum á flugi Icelandair vegna þess.