Árshátíð Framtíðarinnar

Í síðustu viku var árshátíð Framtíðarinnar, málfundafélags Menntaskólans í Reykjavík, haldin með pompi og prakt. Í MR er hefð fyrir því að skreyta nemendakjallarann í árshátíðarvikum og var að þessu sinni Harry Potter-þema. Hafði dagskrá vikunnar t.d. að geyma Harry Potter-myndamaraþon, Quidditch-mót, look alike-keppni og spurningakeppni auk þess sem töframaður steig á stokk í hádegishléi.

Ballið fór fram á Broadway og var tónlistin hin fjölbreytilegasta. Á stóra sviðinu spiluðu Djim Carrey og GusGus, í hliðarherberginu þeytti Original Melody skífum og uppi léku Bob Gillan og strandverðirnir fyrir dansi. Vart er annað að sjá en árshátíðin hafi heppnast vel og líður nú senn að grímuballinu sem haldið er í mars.