Ástin mikil á Grímuballi SMS

Grímuball SMS fór fram miðvikudaginn 20. janúar á Rúbin í Öskjuhlíð og gekk það vægast sagt vel, enda seldist upp á ballið. Skrautlegir búningar voru langt frá því að vera sjaldséðir, en það sem stóð upp úr á þessum dansleik var óumflýjanlegur hlutur sem kallast ást.

Ástin hefur sjaldan verið í jafn miklu mæli á íslenskum dansleik. Ástríðufullir ástarleikir voru við hvert fótmál og ástarhljóð beinlínis þeyttust um dansgólfið eins og fuglasöngur þeytist um loftið í eyru manna á blíðum sumardegi.

Dansleiknum lauk kl. 1, en það sama er ekki hægt að segja um ástina. Ástin lifði langt fram eftir nóttu og lifir enn í hjörtum sumra. Formaður Íþróttaráðs, Egill Ólafsson er lifandi dæmi um það að ástinni hafi ekki lokið samstundis dansleiknum. Þökk sé dansleiknum er hann ástfanginn í dag.

Megi ástin lengi lifa.