Ingibjörg komin til Geirs

Ingibjörg Sólrún Gísladóttir, formaður Samfylkingarinnar, er komin til Geirs H. Haarde, formanns Sjálfstæðisflokksins, til að funda með honum á heimili hans í Vesturbænum. Með henni er Össur Skarphéðinsson.

Formennirnir funduðu ásamt Össuri og Þorgerði Katrínu Gunnarsdóttur á tólfta tímanum í morgun. Frá því hafa þau fundað í sitthvoru lagi með forystumönnum flokkanna.

Þorgerður Katrín og Geir funduðu frá því í hádeginu. Andri Óttarsson, framkvæmdastjóri Sjálfstæðisflokksins, bættist í hópinn á þriðja tímanum.

Ágúst Ólafur Ágústsson, varaformaður Samfylkingarinnar, á tali við fréttamenn fyrir utan heimili Ingibjargar Sólrúnar.

Á meðan fundaði Ingibjörg Sólrún á heimili sínu með Ágústi Ólafi Ágústssyni, Lúðvíki Bergvinssyni, Össuri Skarphéðinssyni og Skúla Helgasyni, framkvæmdastjóra flokksins.