Opið fyrir umsóknir í tvo sjóði

Atvinnuráðgjöf Vesturlands vill minna á að framundan eru styrkveitingar úr tveimur sjóðum sem möguleiki er til umsókna í. Í fyrsta lagi hefur ríkisstjórnin ákveðið að veita alls 100 milljónum króna til sérstakra átaksverkefna á sviði atvinnuuppbyggingar til skilgreindra nýsköpunar og þróunarverkefna til eflingar atvinnuþróunar og nýsköpunar á þeim svæðum sem verða fyrir aflasamdrætti vegna þorskaflaheimilda. Umsóknum skal skila til Atvinnuráðgjafar Vesturlands fyrir 19. febrúar 2008.

Einnig hefur ríkisstjórnin ákveðið að veita 160 milljónum króna til eflingar ferðaþjónustu á sömu svæðum.  Ferðamálastofa hefur að þessu tilefni auglýst styrktarsjóð sem hefur það markmið að styðja við ferðaþjónustufyrirtæki. Umsóknum skal skila til Byggðastofnunar eða Ferðamálastofu fyrir 5. febrúar.

Í tilkynningu frá SSV segir að miikilvægt sé að umsóknirnar séu vel vandaðar og komi hugmyndinni vel til skila. Atvinnuráðgjöf Vesturlands aðstoðar fólk við gerð styrkumsókna en skrifstofur þeirra eru í Borgarnesi s. 437-1318 og í Snæfellsbæ 433-6910.