Hringdi 388 sinnum í lögguna vegna einmannleika

Japanskur maður hefur verið handtekinn fyrir að hringja í lögregluna og slökkviliðið 388 sinnum, af því hann var einmanna.

Maðurinn sagðist vilja eignast vini og að löggan og slökkviliðið hugsuðu um sig. Einstæðingurinn hringdi reglulega í slökkvistöð í norður Tokyo þar sem hann öskraði: „Eldur!, eldur! ég hef kveikt í bensíni og olíu."

Í eitt skipti mættu 10 slökkvibílar, sjúkrabíll og 35 slökkviliðsmenn að heimili hans. Þegar hann var handtekinn játaði hann að vera einmanna og að hafa sóst eftir umhyggju lögreglu og slökkviliðsmannanna.