Bobby Fisher sofandi á bíósýningu í Keflavík

Skáksnillingurinn og Íslendingurinn Bobby Fisher var á vappi um Hafnargötuna í Keflavík í dag. Það væri svo sem ekki í frásögur færandi nema að núna er hann sofandi á aftasta bekk í stóra sýningarsal Sambíóanna í Keflavík. Hefur það vakið talsverða athygli bíógesta, sem sett hafa sig í samband við Víkurfréttir. Þar stendur yfir sýning á Transformers, sem greinilega fellur ekki í kramið hjá Bobby.

Gestur á sýningunni segir að Bobby Fisher hafi komið með handtösku með sér, hreiðrað um sig á aftasta bekk og sé nú sofandi undir sýningunni.

.