FÖSTUDAGUR 30. SEPTEMBER NÝJAST 23:48

Sádí-Arabar lýsa yfir áhyggjum af nýjum lögum í Bandaríkjunum

FRÉTTIR

Arsenal-menn uxa-lausir nćstu vikurnar

 
Enski boltinn
13:00 26. FEBRÚAR 2016
Alex Oxlade-Chamberlain.
Alex Oxlade-Chamberlain. VÍSIR/GETTY

Alex Oxlade-Chamberlain er meiddur á hné og verður ekki með Arsenal-liðinu á næstunni en þetta staðfesti knattspyrnustjórinn Arsene Wenger á blaðamannafundi í dag.

Alex Oxlade-Chamberlain meiddist á hné eftir samstuð við Javier Mascherano í 2-0 tapi Arsenal á móti Barcelona í Meistaradeildinni í vikunni.

Oxlade-Chamberlain reyndi að harka af sér en þurfti að yfirgefa völlinn eftir aðeins fimm mínútna leik í seinni hálfleik. Staðan var þá enn markalaus.

Fyrsti leikurinn sem Oxlade-Chamberlain er stórleikur á móti Manchester United á Old Trafford á sunnudaginn.

„Þetta er alvarleg meiðsli og hann verður úr leik í nokkrar vikur. Hann er hjá sérfræðingi núna og vonandi fáum við góðar fréttir," sagði Arsene Wenger.

Hinn 22 ára gamli Oxlade-Chamberlain hefur verið óheppinn með meiðsli síðustu tímabil en var búinn að vera leikfær síðan í nóvember.

„Þetta eru ný meiðsli. Ég held ekki að þetta hafi verið illkvittin tækling hjá Mascherano en hann fór á fullu í hann. Við skulum vona að þetta verði aðeins tvær til þrjár vikur en ekki sex eða sjö vikur," sagði Wenger.

Oxlade-Chamberlain er með 2 mörk og 2 stoðsendingar í 33 leikjum í öllum keppnum á þessu tímabili. Hann skoraði sitt eina deildarmark í sigri á Bournemouth á dögunum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Arsenal-menn uxa-lausir nćstu vikurnar
Fara efst