Enski boltinn

Arsenal að ráða manninn sem fann Lewandowski, Aubameyang og Dembélé

Ingvi Þór Sæmundsson skrifar
Sven Mislintat hefur átt stóran þátt í góðu gengi Dortmund á undanförnum árum.
Sven Mislintat hefur átt stóran þátt í góðu gengi Dortmund á undanförnum árum. vísir/getty
Arsenal er nálægt því að landa Sven Mislintat, aðalnjósnara Borussia Dortmund, samkvæmt þýskum fjölmiðlum. Hann tekur við sama starfi hjá Lundúnaliðinu.

Mislintat þykir afar fær í sínu starfi en honum er eignaður heiðurinn af því að finna leikmenn á borð við Robert Lewandowski, Shinji Kagawa, Pierre-Emerick Aubameyang og Ousmane Dembélé.

Talið er að Arsenal borgi Dortmund 1-2 milljónir evra til að losa Mislintat undan samningi. Hann mun fá um 1,8 milljónir evra í árslaun.

Mislintat er mjög eftirsóttur en Bayern München reyndi að ráða hann í sumar en án árangurs.

Hér má lesa grein ESPN um Sven Mislintat.


Tengdar fréttir

Skytturnar unnu grannaslaginn

Arsenal hafði betur gegn Tottenham, 2-0, í fyrsta leik dagsins í ensku úrvalsdeildinni




Fleiri fréttir

Sjá meira


×