Handbolti

Aron tryggði Barcelona sigur beint úr aukakasti | Sjáðu markið

Anton Ingi Leifsson skrifar
Aron í leik með Barcelona.
Aron í leik með Barcelona. vísir/getty
Aron Pálmarsson og félagar í Barcelona lentu í kröppum dansi gegn Valladolid í spænsku úrvalsdeildinni í handbolta í dag en mörðu sigur að lokum, 30-29.

Barcelona var fjórum mörkum undir í hálfleik, 14-10, en saxaði á forskotið jafnt og þétt. Þegar ein mínúta var eftir var staðan jöfn, 29-29, en úrslitin réðust aðeins nokkrum sekúndum fyrir leikslok.

Barcelona náði að tryggja sér sigurinn á síðustu sekúndununni með marki frá Aroni Pálmarssyni beint úr aukakasti en Aron átti mjög góðan leik. Hann skoraði sex mörk úr átta skotum og var markahæstur meistaranna.

Börsungar eru á toppnum með 41 stig, tólf stigum meira en næsta lið.




Fleiri fréttir

Sjá meira


×