Aron tryggði AZ sigur

Aron Jóhannsson tryggði AZ 1-0 sigur á Vitesse í hollensku úrvalsdeildinni í fótbolta í kvöld. Aron skoraði markið á 14. mínútu.

Þetta var aðeins þriðji leikur Arons í byrjunarliði AZ á leiktíðinni vegna meiðsla sem hann hlaut í sumar og var þetta fyrsta markið á hans á leiktíðinni.

AZ lyfti sér upp í 5. sæti deildarinnar með sigrinum en liðið er með 21 stig líkt og Twente og Feyenoord sem eru  með betra markahlutfall. Vitesse er fyrir neðan miðja deild með 16 stig.