Fótbolti

Aron skoraði í sigri AZ

Ingvi Þór Sæmundsson skrifar
Aron hefur skorað þrjú mörk fyrir AZ í vetur.
Aron hefur skorað þrjú mörk fyrir AZ í vetur. vísir/getty
Aron Jóhannsson skoraði fyrsta mark AZ Alkmaar þegar liðið bar sigurorð af Heracles með þremur mörkum gegn einu í hollensku úrvalsdeildinni í handbolta í dag.

Þetta var þriðja mark Arons í vetur og það fyrsta sem hann skorar á árinu 2015. Hann spilaði allan tímann í framlínu AZ í dag.

Aron opnaði markareikninginn á 9. mínútu og eftir níu mínútna leik í seinni hálfleik tvöfaldaði Steven Berghuis forskot AZ.

Brahim Darri minnkaði muninn í 2-1 á 81. mínútu en Norðmaðurinn Markus Henriksen gulltryggði sigur AZ með marki mínútu fyrir leikslok.

AZ er í 5. sæti deildarinnar með 35 stig, átta stigum frá Meistaradeildarsæti. Heracles er hins vegar í 16. og þriðja neðsta sæti deildarinnar með aðeins 16 stig, einu stigi frá fallsæti.




Fleiri fréttir

Sjá meira


×