FIMMTUDAGUR 25. ÁGÚST NÝJAST 21:32

Landhelgisgæslan hafði afskipti af tveimur skipverjum undir áhrifum

FRÉTTIR

Aron Jó: Eiður Smári er besti knattspyrnumaðurinn í sögu Íslands

 
Fótbolti
18:15 30. JANÚAR 2016
Aron fagnar hér marki sínu í 8-liða úrslitum Gullbikarsins síðasta sumar.
Aron fagnar hér marki sínu í 8-liða úrslitum Gullbikarsins síðasta sumar. VÍSIR/GETTY
Kristinn Páll Teitsson skrifar

Aron Jóhannesson, leikmaður Werder Bremen og bandaríska landsliðsins í knattspyrnu, var fenginn af bandaríska knattspyrnusambandinu til þess að svara spurningum um íslenska landsliðið í fótbolta fyrir leik liðanna annað kvöld.

Aron sem lék 10 leiki með U21-árs landsliði Íslands þekkir íslenska liðið vel og fékk bandaríska knattspyrnusambandið að spurja hann nokkurra spurninga.

Nefnir hann þar á meðal að íslenska landsliðið hafi aldrei verið jafn sterkt og núna og að liðið sé mjög agað.

„Undanfarin 3-4 ár hefur fótboltaliðum Íslands gengið mjög vel, þeir rétt misstu af sæti á HM 2014 eftir tap í umspili gegn Króatíu og þeir eru að fara á lokamót í fyrsta sinn. Allir leikmenn liðsins þekkja hlutverk sín vel og þjálfarateymið hefur náð góðum árangri. Leikmennirnir sem leika á morgun eru ákafir í að sanna sig fyrir sumarið,“ sagði Aron sem segir Eið Smára vera einn besta leikmann sem hefur komið frá Íslandi.

„Eiður er besti leikmaðurinn í íslenskri knattspyrnusögu. Hann varð meistari með Chelsea í einni sterkustu deild heims og fór til Barcelona þar sem hann vann spænska titilinn og Meistaradeildina. Hann mun fá eitt tækifæri með landsliðinu til þess að láta til sín taka á lokamóti næsta sumar.“

Aron segir það aðallega vera eldra fólk sem heldur í gömlu íslensku hefðirnar á borð við þorramat.

„Ég borða ekki gamaldags íslenskan mat eins og þorramat, það er mestmegnis eldra fólk sem borðar svoleiðis mat. Ég borða bara sömu hluti og allir aðrir, kjúkling og fisk.“


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Fótbolti / Aron Jó: Eiður Smári er besti knattspyrnumaðurinn í sögu Íslands
Fara efst