Fótbolti

Arnór Ingvi hetjan í langþráðum sigri Rapid Vín

Kristinn Páll Teitsson skrifar
Arnór Ingvi var hetja Vínarmanna í dag.
Arnór Ingvi var hetja Vínarmanna í dag. vísir/getty
Arnór Ingvi Traustason sneri aftur í byrjunarliðið og skoraði eina mark leiksins í 1-0 sigri Rapid Vín gegn St. Pölten í austurrísku deildinni í dag en þetta var fyrsta mark Arnórs í treyju austurríska liðsins í tæplega fjóra mánuði.

Rapid Vín hefur verið í frjálsu falli í deildinni undanfarnar vikur en liðið var aðeins búið að fá eitt stig af fimmtán mögulegum í síðustu fimm leikjum fram að leik dagsins.

Arnór Ingvi byrjaði leikinn á kantinum í dag og skoraði eina mark leiksins á 75. mínútu eftir sendingu frá Louis Schaub. Arnór krækti í gult spjald á 95. mínútu leiksins en það voru heimamenn sem fögnuðu sigrinum.

Með sigrinum lyfti Rapid Vín sér upp um tvö sæti í 5. sæti austurrísku deildarinnar en tvær umferðir eru eftir í deildinni áður en tveggja mánaða vetrarfríið hefst.




Fleiri fréttir

Sjá meira


×