Viðskipti innlent

Arion banki gefur út skuldabréf fyrir 45 milljarða í evrum

ingvar haraldsson skrifar
Arion Banki stefnir að því að nýta hluta lánsins til að greiða niður önnur og óhagstæðari lán og lækka þannig fjármögnunarkostnað bankans auk þess að auðvelda erlenda fjármögnun viðskiptavina bankans.
Arion Banki stefnir að því að nýta hluta lánsins til að greiða niður önnur og óhagstæðari lán og lækka þannig fjármögnunarkostnað bankans auk þess að auðvelda erlenda fjármögnun viðskiptavina bankans. mynd/arion banki
Arion banki hefur gefið út skuldabréf fyrir 300 milljónir evra, jafngildi  45 milljarða íslenskra króna. Höskuldur H. Ólafsson, bankastjóri Arion banka, segir þetta langstærstu skuldabréfaútgáfa íslensks banka um árabil.

Bankanum bárust tilboð frá um 100 fjárfestum fyrir rúmlega 675 milljónir evra og var því ríflega tvöföld umframeftirspurn eftir bréfunum.  Skuldabréfin eru til þriggja ára og bera fasta 3,125% vexti.

Arion Banki stefnir að því að nýta hluta lánsins til að greiða niður önnur og óhagstæðari lán og lækka þannig fjármögnunarkostnað bankans auk þess að auðvelda erlenda fjármögnun viðskiptavina bankans.

Arion Banki segir í tilkynningu að tímasetningin á útgáfa skuldabréfsins hafa verið vegna  jákvæðar þróunar á fjármálamarkaði og sterks uppgjörs bankans.

Höskuldur H. Ólafsson, bankastjóri Arion banka segir bankann hafa undanfarið unni að auka fjölbreytni í fjármögnun bankans og bæta aðgengi að erlendum lánsfjármörkuðum.

„Útgáfan nú er langstærsta skuldabréfaútgáfa íslensks banka um árabil sem seld er til breiðs hóps alþjóðlegra fjárfesta. Um er að ræða afrakstur vinnu undanfarinna ára og um mikilvægan áfanga að ræða. Skuldabréfaútgáfan nú er ekki aðeins mikilvæg fyrir okkur og viðskiptavini okkar heldur einnig fyrir efnahagslífið hér á landi, þar sem aðgengi erlendu lánsfé á hagstæðum kjörum skiptir miklu fyrir áframhaldandi uppbyggingu,“ segir Höskuldur.






Fleiri fréttir

Sjá meira


×