Árásarmađurinn á Orly var á eftirlitslista

 
Erlent
14:04 18. MARS 2017
Flugfarţegar sem voru fluttir úr flugstöđinni í morgun bíđa eftir ađ hún opni aftur.
Flugfarţegar sem voru fluttir úr flugstöđinni í morgun bíđa eftir ađ hún opni aftur. VÍSIR/EPA

Búið er að opna hluta Orly-flugvallar við París aftur eftir að maður sem reyndi að hrifsa skotvopn af hermanni var skotinn til bana þar í morgun. Maðurinn var á eftirlitslista yfir öfgafulla einstaklinga. Hann er sagður eiga langan sakaferil að baki.

Breska ríkisútvarpið BBC hefur eftir talsmanni franska hersins að maðurinn hafi reynt að hrifsa byssu af hermanni í „gríðarlega ofbeldisfullri árás“. Konan náði að halda í byssuna sína en tveir félagar hennar skutu manninn til bana.

Áður hafði árásarmaðurinn skotið á lögreglumenn sem stöðvuðu hann við umferðareftirlit norðan við París. Flúði hann af vettvangi og skildi bíl sinn eftir í úthverfi í suðurhluta borgarinnar. Þar er talið að hann hafi rænt bíl af konu með vopnavaldi. Sá bíll fannst síðar við Orly-flugvöll.

Lögreglan segir að maðurinn hafi verið 39 ára gamall. Hann hafi meðal annars hlotið dóma fyrir vopnuð rán.

Faðir mannsins og bróðir hafa verið færðir í varðhald en það er venjan þegar grunur leikur á hryðjuverkaárásum.

Uppákoman hefur raskað flugferðum til og frá Orly í dag. Búið er að opna vesturflugvallarbygginguna en suðurbyggingin þar sem maðurinn var skotinn til bana verður að líkindum lokuð allan daginn í dag. Þrátt fyrir að vesturbyggingin hafi verið opnuð hafa miklar tafir verið og mörgum flugferðum aflýst.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Árásarmađurinn á Orly var á eftirlitslista
Fara efst