Viðskipti erlent

Apple fjárfestir í vindmyllum

Tryggvi Páll Tryggvason skrifar
Vindmyllur.
Vindmyllur. Vísir/Getty
Bandaríski tæknirisinn Apple hefur fjárfest í fjórum kínverskum fyrirtækjum sem sérhæfa sig í framleiðslu og rekstri á vindmyllum til raforkuframleiðslu.

Fjárfestingin er liður í stefnu Apple um að gera framleiðslu á vörum sínum umhverfisvænni en stór hluti framleiðslunnar fer fram í Kína.

Þetta er í fyrsta sinn sem Apple fjárfestir í vindmyllum en samkvæmt upplýsingum frá fyrirtækinu munu vindmyllurnar skila um 285 megawöttum af rafmagni sem eyrnamerkt er verksmiðjum Apple í Kína.

Apple hefur í auknum mæli horft til þess að nýta endurnýjanlega orkugjafa en á síðasta ári tilkynnti fyrirtækið um að það hefði fjárfest í verkefnum sem snúa að nýtingu sólarorku.

Þá verða nýjar höfuðstöðvar Apple sem nú eru í byggingu í Kaliforníu að miklu leyti knúnar áfram af sólarorku.






Fleiri fréttir

Sjá meira


×