American Idol er vinsælasti sjónvarpsþáttur ársins 2011

Undir lok hvers árs birtir bandaríska fyrirtækið Nielsen lista yfir þá þætti sem mælst hafa með mest áhorf á árinu. Nielsen sérhæfir sig í mælingum á fjölmiðlamarkaði og listar fyrirtækisins eru notaðir sem mælistykur á vinsældir sjónvarpsþátta. Núna eru topplistar ársins 2011 komnir út og sem fyrr er það American Idol sem trónir á toppnum og er raunar í tveimur efstu sætunum. Fyrri þáttur vikunnar, sem sýndur er á miðvikudagskvöldum í bandarísku sjónvarpi, mældist með 23,9 milljónir áhorfenda að meðaltali á viku. Seinni þátturinn, þar sem úrslit vikunnar eru kynnt, mældist með með 22 milljónir áhorfenda að meðaltali. Í þriðja sæti eru síðan sunnudagsleikirnir í NFL deildinni í amerískum fótbolta með 20,5 milljónir áhorfenda. Aðeins tveir leiknir þættir komast á topp 10 listann en það eru sakamálaþættirnir NCIS og NCIS: Los Angeles. Sá fyrrnefndi er í 7. sæti með 15,2 milljónir áhorfenda að meðaltali og sá síðarnefndi er í 10. sæti með 12,6 milljónir áhorfenda að meðaltali. American Idol og NCIS-þættirnir eru allir sýndir á Stöð 2. Næsta þáttaröð af American Idol hefst föstudaginn 20. janúar á Stöð 2 og sem fyrr verða þættirnir sýndir innan við sólarhring eftir að sýningu síðari þáttarins lýkur í bandarísku sjónvarpi.